Skráðum trúfélögum fjölgar talsvert

Samkvæmt tölum sem Hagstofan hefur tekið saman hefur skráðum trúfélögum fjölgað talsvert á undanförnum árum. Skráð trúfélög utan þjóðkirkju og fríkirkjusafnaða eru nú 26 en voru 10 árið 1990.

Krafa um samkomulag heftir norrænt samstarf

Krafan um almennt samkomulag kemur stundum í veg fyrir nýjungar í norrænu samstarfi. Það ætti því að láta einfaldan meirihluta ráða við ákvarðanatöku í Norrænu ráðherranefndinni, alla vega í sumum málum.

Ríkisendurskoðun fann lítið misjafnt hjá Fjöliðjunni

Ríkisendurskoðun sendi nýlega frá sér greinargerð um fjármál Fjöliðjunnar á Akranesi en grunur lék á að ekki væri allt með felldu í bókhaldi hjá fyrrum forstöðumanni þessa vinnustaðar fyrir fatlaða.

Unglingurinn sem leitað var að er fundinn

Fjórtán ára piltur, sem lögreglan á höfuðborgarsvæðinu lýsti eftir í gærkvöldi er kominn fram, heill á húfi. Hann hafði dvalið í heimahúsi í borginni og ekki látið vita af ferðum sínum

Mesta umferðaróhappahrina í borginni í mörg ár

Um það bil fimmtíu umferðaróhöpp voru skráð hjá lögreglunn á höfuðborgarsvæðinu í gær, sem er mesta óhappahrina á einum degi í mörg ár, og ef til vill til þessa.

Ökumaður í lífsháska er hann steyptist sjö metra niður í sjó

Ökumaður, sem var einn á ferð, lenti í lífsháska þegar bíll hans rann út af þjóðveginum í Kirkjubólshlíð gengt Ísafirði í gærkvöldi, steyptist niður sjö metra háan vegkantinn og hafnaði úti í sjó 50 metrum frá veginum.

Fraktflugvél frá Atlanta fór útaf flugbraut í Frakklandi

Betur fór en á horfðist þegar flugvél frá flugfélaginu Atlanta rann út af flugbraut Roissy flugvallarins í Frakklandi í dag. Vélin var nýlent og náði ekki að stöðva sig áður en flugbrautin var á enda runninn.

Ölvaður ók á sjúkrabíl

Um 40 umferðaróhöpp urðu í arfaslakri færð á höfuðborgarsvæðinu í dag. Langflest þeirra voru að sögn lögreglu ekki alvarleg.

Kortafyrirtækin þegja

Talsmenn stóru greiðslukortafyrirtækjanna tveggja vilja ekkert tjá sig um ákvörðun kaupmanna á Akureyri um málshöfðun vegna samráðs. Um eitt þúsund íslensk fyrirtæki hafa hins vegar valið að skipta við danskt greiðslukortafyrirtæki.

Kaupþing uppfyllir ekki skilyrði fyrir evru

Seðlabankinn telur sig ekki geta bannað Kaupþingi að gera upp í evrum, en Kaupþing uppfylli ekki þau skilyrði sem sett eru.

Íslenskir eftirlitsmenn á Sri Lanka á heimleið

Íslenskir eftirlitsmenn á Sri Lanka halda heim á leið eftir nokkrar klukkustundir. Tæplega sex ára langt vopnahléseftirlit Norðmanna og Íslendinga á eyjunni heyrir sögunni til.

Höfrungahlaup hefst á vinnumarkaði

Verkalýðshreyfingin krefst nú skammtímasamnings til að sjá hvernig samninga opinberir starfsmenn fá. Talsmaður Samtaka atvinnulífsins segir það þýða höfrungahlaup og vítahring verðbólgu.

Þrumur og eldingar á Hvolsvelli

Bæjarbúar á Hvolsvelli urðu varir við þrumur og eldingar um klukkan fjögur í dag. Það er ekki á hverjum degi sem það gerist enda höfðu nokkrir bæjarbúar samband við Vísi og létu vita af þessu.

Hollendingur tekinn með kókaín í Leifsstöð

Hollenskur karlmaður var tekinn í Leifsstöð í gærkvöldi með á fjórða hundrað gramma af kókaíni innvortis. Hann hefur verið úrskurðaður í tveggja vikna gæsluvarðhald.

Engin þolinmæði gagnvart afbrotum í Vogum

Íbúar í Vogum hafa enga þolinmæði gagnvart afbrotum, segir Róbert Ragnarsson sveitastjóri. Sveitastjórnin ætlar að vera með íbúafund um forvarnir og afbrot næstkomandi mánudag.

Miklar tafir á ferðum Strætós

Mjög miklar tafir hafa orðið á ferðum Strætós í dag, ekki síst vegna færðarinnar í borginni.

Fjórir greindust með meningókokka í fyrra

Fjórar manneskjur greindust með meningókokka á Íslandi í fyrra, sem er sami fjöldi og árið á undan.

Sakaðir um að kýla og skalla jafnaldra sinn

Tveir piltar, 17 og 18 ára, hafa verið ákærðir fyrir að ráðast á jafnaldra sinn fyrir utan hús í Reykjanesbæ. Ákæra á hendur piltunum var þingfest í Héraðsdómi Reykjaness í gær.

Varað við hálku og þungri færð á höfuðborgarsvæðinu

Lögreglan varar við mikilli hálku á öllu höfuðborgarsvæðinu. Að hennar sögn hefur fólk lent í vandræðum í færðinni. Bílar hafa verið að renna hver utan í annan í hálkunni.

Lýst eftir 14 ára pilti

Lögreglan á höfuðborgarsvæðinu lýsir eftir 14 ára pilti, Daníel Sigvaldasyni. Daníel er 172-175 sm á hæð, dökkhærður með stutt hár.

Nærri 1900 greindir með klamydíu á síðasta ári

1863 manns greindust með klamydíu á síðasta ári samkvæmt því sem fram kemur í nýjasta hefti Farsóttarfrétta frá Landlæknisembættinu. Þar segir einnig að það aukning miðað við árið á undan.

Hvöttu flokksbróður sinn til að setja Sundabraut í forgang

Samgönguráðherra býst við að framkvæmdir við Sundabraut geti í fyrsta lagi hafist á næsta ári. Þetta kom fram í svari hans við fyrirspurn Árna Þórs Sigurðssonar, þingmanns Vinstri - grænna, á Alþingi í dag.

Sex mánaða fangelsi fyrir líkamsárás

Karlmaður á tvítugsaldri hefur verið dæmdur í sex mánaða skilorðsbundið fangelsi fyrir líkamsárás. Hann sló annan karlmann í andlitið á Ráðhústorgi í miðbæ Akureyrar um verslunarmannahelgi 2006.

Hefur beðið eftir svari við fyrirspurn um útrásarmál í mánuði

Valgerður Sverrisdóttir, varaformaður Framsóknarflokksins, spurði á Alþingi í dag hvort útrásarmál orkufyrirtækja væru fjármálaráðherra og Sjálfstæðisflokknum of viðkvæm til þess að ráðherra gæti svarað fyrirspurn hennar.

Lúðvík ósammála ráðherra um dómaraskipan

Lúðvík Bergvinsson, þingflokksformaður Samfylkingarinnar, er ósamála Árna Mathiesen, settum dómsmálaráðherra, í dómaramálinu og hefur átt hreinskiptar umræður við hann um það. Þetta kom fram í máli þingmannsins við upphaf þingfundar í dag.

Loftbólurnar reyndust vera heitt vatn

Kafarar frá slökkviliði höfuðborgarsvæðisins voru við störf í Nauthólsvík um tvöleytið í dag. Tilkynning barst slökkviliði um að loftbólur bærust upp á yfirborð sjávar í víkinni og var kafað niður á botn til þess að kanna málið. Í ljós kom að um útstreymi heits vatns var að ræða og því engin hætta á ferðum.

Fáfnismenn á hrakhólum

Eigendur húsnæðisins við Frakkastíg þar sem mótorhjólaklúbburinn Fáfnir MC heldur til hafa sagt upp leigusamningnum við klúbbinn. Ásgeir Friðgeirsson, talsmaður Björgólfsfeðga sem eiga húsið, segir að þeir séu á leiðinni í burtu á næstunni en ekki liggi fyrir hvenær þeir þurfa að taka saman föggur sínar.

Aukin etanólframleiðsla fyrir bíla hækkar áburðarverð

Aukin framleiðsla á lífrænu etanóli til notkunar á bíla í stað bensíns er farin að valda hækkun á áburðarverði.

Lítil loðnuveiði undanfarna daga

Sáralítil loðnuveiði hefur verið undanfarna daga en nokkur loðnuskip eru djúpt austur af landinu.

Ekki hægt að hleypa öllum að auðlindinni í sjónum

Varaformaður sjávarútvegsnefndar Alþingis segir að álit Mannréttindanefndar Sameinuðu þjóðanna um fiskveiðistjórnunarkerfið sé ákveðið áfall fyrir Íslendinga. Formaður nefndarinnar segir ekki hægt að hleypa öllum að auðlindinni í sjónum vegna þess að þá yrðu veiðarnar stjórnlausar.

Skilorðsbundið fangelsi og sekt fyrir bókhaldsbrot

Héraðsdómur Reykjavíkur hefur dæmt karlmann í fjögurra mánaða skilorðsbundið fangelsi og til greiðslu 16,5 milljóna króna fyrir ýmis bókhaldsbrot í tengslum við starf hans sem framkvæmdastjóri og stjórnarformaður einkahlutafélags.

Ákærður fyrir að slá mann í höfuðið með gangstéttarhellubroti

Karlmaður hefur verið ákærður fyrir sérstaklega hættulega líkamsárás fyrir utan veitingastaðinn Kaffi Láru á Seyðisfirði í október í fyrra.

Brá þegar dópaðir menn réðust inn í íbúð í Bökkunum

Sara Rós Kavanagh segir að sér hafi brugðið mjög mikið þegar menn, undir áhrifum fíkniefna, réðust inn í íbúð hennar í Blöndubakka í Reykjavík. Þetta sagði hún í samtali við Í bítið á Bylgjunni.

Aflaverðmæti eykst um 6,5 prósent fyrstu tíu mánuði 2007

Aflaverðmæti íslenskra skipa jókst um 6,5 prósent á fyrstu tíu mánuðum ársins 2007 miðað við sömu mánuði árið 2006. Frá þessu er greint á vef Hagstofu Íslands.

Vinnustundum karla fækkar á milli ára

Starfandi fólki á vinnumarkaði fjölgaði um 6.400 á fjórða ársfjórðungi síðasta árs frá sama tímabili árið áður og voru tæplega 180 þúsund manns á vinnumarkaði.

Heildarafli dregst saman um þrjú prósent milli ára

Heildarafli íslenskra skipa dróst saman um rúm þrjú prósent á föstu verði á síðasta ári miðað við árið 2006. Þetta leiða tölur Hagstofunnar í ljós.

Varað við nýrri tegund Nígeríubréfa

Embætti ríkislögreglustjóra varar við nýrri tegund svokallaðra Nígeríubréfa sem berast fólki í tölvupósti.

Engin stóróhöpp í umferðinni

Fáir meiddust og engin alvarlega þrátt fyrir að minnsta kosti þrjátíu árekstra á höfuðborgarsvæðinu í gær.

Vopnaðir dólgar gengu berserksgang í Breiðholti

Tveir karlmenn í annarlegu ástandi vegna neyslu fíkniefna, og vopnaðir öxum, gengu berserksgang í tveimur stigagöngum fjölbýlishúsa í Bakkahverfi í Breiðholti undir kvöld í gærkvöld og skelfdu þar íbúana.

Gullforði Seðlabankans: 700 milljóna verðhækkun

Tæplega tveggja tonna gullforði Seðlabankans hefur aukist mjög að verðgildi undanfarnar vikur. Hann var fyrir einum og hálfum mánuði metinn á rúma þrjá milljarða króna, en slagar nú hátt upp í fjóra. Verðið nú miðað við heimsmarkaðsverð nemur um 3,7 milljörðum króna. Gullverð er í hæstu hæðum. Það hefur verið á uppleið á heimsmarkaði og hefur undanfarna tólf mánuði hækkað um 50 prósent.

Hússjóður axlar einn ábyrgð á dauðslysi

„Ef einhver ber hér ábyrgð þá erum það við og engir aðrir,“ segir Garðar Sverrisson, formaður hússjóðs Öryrkjabandalagsins (ÖBÍ), um dauðaslys sem varð eftir að íbúi með framheilaskaða lést í fyrra af brunasárum sem hann hlaut inni á baðherbergi sínu í Hátúni.

Fyrrverandi dómstjóri: Ákvörðun Árna sorgleg

Freyr Ófeigsson, fyrrverandi dómstjóri Héraðsdóms Norðurlands eystri, sagði í Kastljósi Sjónvarpsins í kvöld að ákvörðun Árna Mathiesen um að skipa Þorstein Davíðsson dómara væri sorgleg og til þess fallin að rýra álit almennings á dómstólum.

Undirbúa skaðabótamál gegn kreditkortafyrirtækjunum

Á fundi í Kaupmannafélagi Akureyrar í morgun var ákveðið að hefja undibúning skaðabótamáls, þar sem kaupmennirnir kæra greiðslukortafyrirtækin sem viðurkennt hafa ólöglegt samráð og féllust á að greiða 735 milljónir króna í sekt vegna svindlsins.

Segir málflutning Sigurðar Líndal honum til minnkunar

Gagnrýni Sigurðar Líndals, lagaprófessors, á ráðningu Þorsteins Davíðssonar í embætti héraðsdómara, er honum til minnkunar, segir forsætisráðherra. Hann segir flokkskírteini ekki hafa ráðið neinu varðandi ráðningu Þorsteins.

Snjóþungt í Vestmannaeyjum

Snjó kyngdi niður í Vestmannaeyjum í nótt og voru björgunarsveitir kallaðar út til að aðstoða fólk í morgunsárið. Vanalega er snjólétt á þessum syðsta hluta landsins, en árrisulir Eyjamenn lentu í vandræðum, og ekki bara árrisulir því umferð gekk afar hægt í dag.