Fálki gæddi sér á dúfu - myndir

Glæsilegur fálki gæddi sér á dúfu í garði við Kleifarveg í Reykjavík í gær. Ólafur Níelsen fuglafræðingur segir að sennilegast sé um að ræða ungan karlfugl.

Fyrstu umræðu um þjóðaratkvæðagreiðslu lokið

Fyrstu umræðu um frumvarp vegna þjóðaratkvæðagreiðslu um Icesave er lokið og hefur málið verið sent allsherjarnefnd til umfjöllunar. Gert er ráð fyrir að önnur umræða um málið muni svo hefjast á Alþingi klukkan hálffimm. Áætlanir ríkisstjórnarinnar ganga út á að frumvarpið verði orðið að lögum í lok dags.

Icesave: Samningar taki mið af lagalegri óvissu

Dr. Michael Waibel, sérfræðingur í alþjóðalögum við háskólann í Cambridge á Englandi segir enga klára lagaskyldu hvíla á herðum Íslendinga til þess að borga Icesave-skuldina.

Heilbrigðisráðherra heimsótti Landspítalann

Álfheiður Ingadóttir heilbrigðisráðherra heimsótti nokkrar deildir Landspítala í gær ásamt embættismönnum úr ráðuneytinu.

Enn sofandi í öndunarvél

Manninum, sem hlaut alvarlega höfuðáverka í vélsleðaslysi, á Funahöfða í Reykjavik í gær er enn haldið sofandi í öndunarvél á gjörgæsludeild. Svo virðist vera sem maðurinn hafi ekið vélsleðanum á vegg þegar að hann var að prófa hann að lokinni viðgerð.

Bjarni sakar ríkisstjórnina um að klúðra tækifærum

Bjarni Benediktsson, formaður Sjálfstæðisflokksins, sagði á Alþingi í morgun að ekki yrði mikill ágreiningur um efnisatriði frumvarps um þjóðaratkvæðagreiðslu.

Dómsmálaráðherra mælti fyrir frumvarpi um þjóðaratkvæðagreiðslu

Ragna Árnadóttir dómsmálaráðherra mælti fyrir frumvarpi um þjóðaratkvæðagreiðslu laust eftir að framhaldsfundur á Alþingi hófst á ellefta tímanum í morgun.

Víst vilja framsóknarmenn atkvæðagreiðslu

Höskuldur Þórhallsson þingmaður Framsóknarflokksins segir alrangt að hans flokkur hafi skipt um skoðun varðandi þjóðaratkvæðagreiðslu í Icesave-málinu. Jóhanna Sigurðardóttir hefur sagt undrandi á því sem hún kallar viðsnúning stjórnarandstöðunnar í málinu.

Brynjar Logi kominn í leitirnar

Brynjar Logi Barkarson strauk frá Stuðlum þriðja janúar síðastliðinn og lögreglan á höfuðborgarsvæðinu hafði lýst eftir, er fundinn heill á húfi.

Hraðbátur Sea Sheperd er sokkinn

Hraðbátur Sea Sheperd samtakanna sem lenti í árekstri við eftirlitsskip á vegum japanskra hvalveiðimanna á dögunum er sokkinn. Báturinn, sem er mjög hraðskreiður og vel tækjum búinn var í togi á leið til hafnar þar sem gera átti við hann þegar línan slitnaði og báturinn sökk niður á hafsbotn.

Ekkert lát á frosthörkum í Evrópu

Frosthörkur halda áfram að angra menn í Evrópu.Í gærkvöldiurðu tafir á flugvöllum í Bretlandi, Frakklandi, Írlandi og í Hollandi. Þá festist lest í Ermarsundsgöngunum í tvo klukkutíma og þurfti að aflýsa ferðum fjögurra annara lesta sem áttu að fara um göngin. Í gær fór frostið í Þýskalandi víða niður fyrir tíu gráður og eru saltbirgðir margra sveitarfélaga því sem næst á þrotum. Í Amsterdam hefur mikil snjókoma orsakað miklar tafir og lá strætisvagnakerfið að mestu niðri í gær.

Hafís kemur í veg fyrir loðnuleit

Hafís kemur í veg fyrir að hafrannsóknaskipið Bjarni Sæmundsson geti leitað að loðnu á stóru svæði út af Vestfjörðum. Miklar vonir eru bundnar við árangur af leitinni, því ekki hefur enn verið gefinn út neinn byrjunarkvóti fyrir vertíðina. Veðurstofan og Landhelgisgæslan sendu í gærkvköldi út tilkynningu þar sem segir að gera megi ráð fyrir að ísinn fari að verða varasamur á siglingaleiðinni frá Barða og norður á Straumnes, og að hún geti jafnvel lokast á næstu dögum.

Gylfi: Best væri að sleppa þjóðaratkvæðagreiðslunni

„Ef sá kostur væri í boði að sleppa þjóðaratkvæðagreiðslunni , myndi ég velja hann.“ Þetta er haft eftir Gylfa Magnússyni viðskiptaráðherra í grein í breska blaðinu Independent í dag. „Ef slík lausn fyndist, sem væri ásættanleg fyrir alla aðila held ég að allir yrðu glaðir með að sjá fyrir endan á þessu máli,“ segir Gylfi en bætir við að slík lausn gæti ekki falið í sér ríkisábyrgð af neinu tagi þar sem það myndi kalla á nýtt lagafrumvarp.

Þrjú innbrot í Reykjavík

Þrjú innbrot voru framin í Reykjavík í nótt. Fyrst var brotist inn í bíl við Kringlubíó rétt eftir miðnætti og þaðan stolið veski. Þá var brotist inn í fyrirtæki við Sléttuveg laust eftir miðnætti. Vitni sáu þrjá pilta hlaupa af vettvangi eftir að öryggiskerfi fór í gang.

Fjórir handteknir í Keflavík

Lögreglan á Suðurnesjum upprætti fíkniefnasamkvæmi í Keflavík í nótt og handtók fjóra menn. Lögregla kom fólkinu að óvörum þannig að því gafst ekki ráðrúm til að koma neinu undan. Við leit í húsnæðinu fundust 20 grömm af hassi, 60 grömm af marijuana og 30 grömm af hvítu efni, annaðhvort anfetamíni eða kókaíni. Fólkinu var sleppt að yfirheyrslum loknum.

Fylgi Vinstri grænna eykst um fjórðung

Stuðningur við Vinstri græn eykst verulega samkvæmt nýrri skoðanakönnun Fréttablaðsins. Fylgi við Samfylkinguna minnkar, en stjórnarflokkarnir myndu halda meirihluta yrðu niðurstöður kosninga í samræmi við útkomuna í könnuninni.

Forsætisráðherra hissa á viðsnúningi stjórnarandstöðu um þjóðaratkvæði

Jóhanna Sigurðardóttir forsætisráðherra segir að mikið þurfi að koma til til þess að þjóðin sé svipt þeim rétti sem synjun forsetans á lögum um Icesave hafi fært henni. Stjórnvöld hafi þær skyldur í þeirri stöðu sem upp er komin að undirbúa þjóðaratkvæðagreiðslu.

Stjórnin heldur meirihluta

Stjórnarflokkarnir mælast með stuðning samtals 53,2 kjósenda samkvæmt nýrri könnun Fréttablaðsins. Vinstri græn bæta við sig rúmum fjórðungi og tveimur þingmönnum, en fylgi við Samfylkinguna dregst saman og flokkurinn myndi missa tvo þingmenn samkvæmt könnuninni.

Framkvæma fyrir milljarð án lántöku

„Þetta eru meðvitaðar aðgerðir til þess að reyna að halda uppi atvinnustiginu,“ segir Kristján Haraldsson, orkubústjóri í Orkubúi Vestfjarða, sem hyggur á framkvæmdir fyrir um eitt þúsund milljónir króna.

Lítill skaði ef þjóðin samþykkir

Stjórnmál Verði hægt að gera fólki grein fyrir þeim kostum sem raunhæfir eru í atkvæðagreiðslu um lög um ríkisábyrgð á Icesave skuldbindingum Tryggingasjóðs innstæðueigenda þá kveðst Gylfi Magnússon viðskiptaráðherra nokkuð bjartsýnn á að lögin verði samþykkt. Þetta kom fram á símafundi sem Íslensk-ameríska verslunarráðið stóð fyrir með ráðherranum og sérfræðingum á fjármálamarkaði laust fyrir hádegi að staðartíma í Bandaríkjunum í gær.

Kaupa stórhýsi fyrir sendiráð

Kínverska sendiráðið hefur fest kaup á stórhýsi á Skúlagötu 51 og hyggst flytja þangað starfsemi sína. Um er að ræða 4.182 fermetra nýbyggingu beint neðan við lögreglustöðina á Hverfisgötu. Það var félagið 2007 ehf. sem seldi Kínverjum húsið í desember.

Stefnt á að ljúka málinu í dag

Stjórnarfrumvarp um þjóðaratkvæðagreiðslu vegna synjunar forseta verður tekið til meðferðar á Alþingi í dag. Málið verður lagt fram á þingfundi, sem hefst klukkan hálf ellefu, og er stefnt að því að lögfesta það áður en dagur er að kveldi kominn.

Ekki hægt að afgreiða lán til Íslands

„Fréttir síðustu daga frá Íslandi,“ segir sænski þingmaðurinn Carl B. Hamilton á bloggi sínu, „gera það að verkum að Svíþjóð getur ekki greitt nein lán til Íslands.“

Sala píputóbaks jókst um 40%

Rúmlega sex prósenta samdráttur var í sígarettusölu á síðasta ári miðað við árið á undan. Rúmlega ein og hálf milljón kartona af sígarettum var seld á síðasta ári, um hundrað þúsund færri en 2008. Tíu pakkar eru í kartoni og tuttugu sígarettur í pakka. Sígarettusala jókst örlítið milli áranna 2007 og 2008.

Sagðir skýla óstjórn með bankahruni

Bæjarfulltrúar Sjálfstæðisflokks í Hafnarfirði segja meirihluta Samfylkingarinnar hafa stundað glannalega fjármálastjórn og það sjáist glögglega í fjárhagsáætlun næsta árs.

Ein vika er langur tími í pólitíkinni

Nokkrir þingmenn sem studdu tillögu um þjóðaratkvæðagreiðslu um ríkisábyrgð Icesave fyrir viku hafa nú lýst yfir andstöðu við að slík atkvæðagreiðsla fari fram

Reynt að blása í glæðurnar

Ríkisstjórn Baracks Obama í Bandaríkjunum býr sig nú undir eina tilraunina enn til þess að koma friðarviðræðum Ísraela og Palestínumanna af stað.

Hluthafar tapa milljörðum

Framhjáhald bandaríska kylfingsins Tigers Woods hefur skilið meira eftir sig en tætta fjölskyldu og í kringum tug hjákvenna. Nýleg könnun sem birt var í Bandaríkjunum í síðustu viku bendir til að hluthafar átta fyrirtækja sem gert höfðu auglýsingasamning við snillinginn með kylfuna hafa tapað samtals tólf milljörðum dala, jafnvirði 1.500 milljarða íslenskra króna, á gengisfalli hlutabréfa í fyrirtækjum sem honum tengdust.

„Skrítið að segja lögin ómerk“

Ólafur Ragnar Grímsson er þeirrar skoðunar, sem fyrr, að felli þjóðin ný lög um Icesave í þjóðaratkvæðagreiðslu þá verði eldri lög um ríkisábyrgð, sem samþykkt voru í lok ágúst, eftir sem áður í gildi. Um þetta ríkir þó óvissa þar sem ríkisábyrgðin sem lögin fjalla um er háð því að viðsemjendur Íslands, Bretar og Hollendingar, viðurkenni þá fyrirvara sem þar eru tilgreindir. Björg Thorarensen, deildarforseti lagadeildar HÍ, hefur bent á að lögin taki gildi en ríkisábyrgðin verði hins vegar ekki virk nema viðsemjendur fallist á fyrirvarana.

Rétt að fara á byrjunarreit

Eva Joly, ráðgjafi sérstaks saksóknara, sagði í samtali við RÚV í gær að of mikill þrýstingur hafi verið settur á Íslendinga í Icesave-málinu. Hennar skoðun er sú að ekkert liggi á í málinu, enda sé verið að fjalla um samkomulag sem eigi að gilda til ársins 2024, og fara eigi aftur á byrjunarreit með samningana.

Telur ákvörðun sína styrkja stöðu Íslands

Ólafur Ragnar Grímsson, forseti Íslands, telur áhrif ákvörðunar hans um að synja Icesave-lögunum staðfestingar hafa verið minni en hann átti von á. Bæði ætti það við um viðbrögð stjórnvalda í Bretlandi og Hollandi og fjármálaheimsins. Hann segir ákvörðunina þá erfiðustu sem hann hefur tekið en hún hefur að hans mati styrkt stöðu Íslands í deilunni.

Ígildi vantrauststillögu

Tveir fyrrverandi ráðherrar Verkamannaflokksins í Bretlandi vilja að skorið verði úr um hversu mikils fylgis Gordon Brown forsætisráðherra nýtur í raun innan flokksins.

Ísland að yfirgefa umheiminn?

Neitun forseta Íslands við að staðfesta Icesave-lögin er tilræði við fulltrúalýðræði á Íslandi og yfirlýsing um að Ísland ætli sér að yfirgefa umheiminn, segir Uffe Ellemann-Jensen, sem lengi var utanríkisráðherra Dana og formaður Venstre. Hann skrifar á vef Berlingske Tidende í gær að veruleikaskynið virðist hafa yfirgefið Íslendinga. „Þetta segi ég, sem hef lengi verið Íslandsvinur. Ímyndið ykkur þá hvernig aðrir upplifa þessar aðstæður.“

Samstarfsmaður smyglara inn

Lögreglan á Suðurnesjum handtók fyrr í vikunni meintan samstarfsmann rúmensks manns, sem tekinn var með hálft kíló af kókaíni við komuna hingað til lands 4. desember.

Vill heilbrigðislög sem fyrst

Barack Obama Bandaríkjaforseti leggur hart að flokksfélögum sínum bæði í öldunga- og fulltrúadeild Bandaríkjaþings að samþykkja sem allra fyrst endanlega útgáfu heilbrigðisfrumvarpsins, sem báðar deildirnar samþykktu hvor í sínu lagi fyrir jól.

Ögrar Brown í máli Íslands

Á vef breska dagblaðsins Daily Mail er David Miliband, utanríkisráðherra, sagður ögra og bjóða Gordon Brown, forsætisráðherra, birginn með því að segja að Bretar styðji umsókn Íslands að Evrópusambandinu þrátt fyrir Icesave deiluna.

Joly gagnrýnir Hollendinga

Eva Joly, ráðgjafi sérstaks saksóknara, segir að það sé hneyksli að Hollendingar hafi reynt að fría sig ábyrgð í Icesave málinu. Hlutverk hollenskra yfirvalda hafi verið að fylgjast með því hvort að eftirlitsaðilar á Ísland væru að vinna vinnuna sína. Það hafi Hollendingar ekki gert. Þetta kemur fram í viðtali sem birtist við Joly á vef hollenska blaðsins NRC Handelsblad.

Varaformaðurinn rekinn af Mogganum

„Mér finnst ástæðurnar sem eru nefndar fyrir uppsögninni vera mjög ótrúverðugar þar sem vísað er í skipulagsbreytingar og hagræðingaraðgerðir frá því í september. Síðan þá hefur ýmislegt breyst og fjölmargir blaðamenn látið af störfum og nýir komið inn. Mér finnst því hæpið að vísa í nokkurra mánaða gamlar hagræðingaraðgerðir nú um áramótin,“ segir Elva Björk Sverrisdóttir, varaformaður Blaðamannafélagins, en henni var sagt upp störfum hjá Morgunblaðinu í síðustu viku. Hún hefur verið í fæðingarorlofi og átti að hefja störf að nýju síðastliðinn mánudag.

Femínstar krefjast að erótískum vef verði lokað

Femínistafélag Íslands krefst þess að íslenskum erótískum samskiptavef verði lokað þar sem ljóst þykir að hann ætli að stuðla að vændi íslenskra kvenna. Þá gagnrýnir félagið harðlega frétt um vefinn sem birtist á Vísi í gær.

Þingfundur á morgun

Alþingi kemur saman á morgun en þá verður frumvarpi til laga um framkvæmd þjóðaratkvæðagreiðslu dreift. Rúm viku er síðan að fundum Alþingis var frestað til 26. janúar en vegna ákvörðunar forseta Íslands að staðfesta ekki Icesave lögin og vísa þeim þess í stað til þjóðarinnar koma þingmenn saman að nýju á morgun.

Formaður fulltrúaráðsins vísar orðum bæjarstjórans á bug

Formaður fulltrúaráðs Sjálfstæðisfélaganna í Kópavogi vísar á bug orðum Gunnsteins Sigurðssonar, bæjarstjóra og oddvita sjálfstæðismanna, um að togstreita og óróleiki sé meðal sjálfstæðismanna í Kópavogi. Ekkert sé fjærri sannleikanum.

Færri brjóstastækkanir

Eftirspurn eftir lýtaaðgerðum hefur dregist saman um næstum fjórðung á síðustu mánuðum. Einkum hefur þeim fækkað sem sækjast eftir fitusogi og brjóstastækkunum.

Jóhanna útilokar ekki að skipuð verði ný samninganefnd

Forsætisráðherra segist þurfa að sjá mikla samstöðu hjá þingi og þjóð ef setja eigi nýja samninganefnd til að semja aftur við Breta og Hollendinga um Icesave. Hún útilokar ekkert í þeim efnum en segir þó mikilvægt að réttur almennings til að kjósa um málið verði virtur.

Á gjörgæslu eftir að vélsleða var ekið á húsvegg

Karlmaður slasaðist alvarlega þegar vélsleða var ekið á húsvegg við Funahöfða í dag. Maðurinn er á gjörgæslu en hann hlaut alvarlega áverka á höfði og á kvið.

Kjartan ekki kallaður fyrir Rannsóknarnefndina

Endurskoðunarnefnd gamla Landsbankans sem bar lögum samkvæmt að ganga úr skugga um að nægjanlegt eftirlit væri með Icesave og rekstri bankans hefur ekki verið boðuð í yfirheyrslu hjá Rannsóknarnefnd Alþingis. Í endurskoðunarnefndinni sátu Kjartan Gunnarsson, fyrrverandi framkvæmdastjóri Sjálfstæðisflokksins, Þorgeir Baldursson í Odda og Andri Sveinsson, fjármálastjóri hjá Novator.