Fyrsti hluti norræna lánsins greiddur út

Fyrsti hluti láns frá Norðurlöndunum til Íslands í tengslum við efnahagsáætlun stjórnvalda og Alþjóðagjaldeyris­sjóðsins var greiddur í dag. Um er að ræða 300 milljónir evra.

Blaðamaður DV dæmdur fyrir ummæli Dabba Grensás

Blaðamaður DV, Erla Hlynsdóttir, var dæmd fyrir meiðyrði gagnvart Viðari Má Friðfinnssyni, eiganda Strawberries klúbbsins. Ummælin sem hún er dæmd fyrir voru höfð eftir Davíð Smára Helenarsyni, eða Dabba Grensás, í viðtali sem birtist í blaðinu í febrúar á þessu ári.

Segir af sér stjórnarmennsku vegna rannsóknar sérstaks saksóknara

Jón Kr. Sólnes, stjórnarmaður í Byr, hefur ákveðið að láta af stjórnarstörfum á meðan á rannsókn málsins stendur og kalla inn varamann í sinn stað.

Styrkur svifriks langt yfir heilsuverndamörkum um helgina

Styrkur svifryks fór yfir heilsuverndarmörk á mælistöð Reykjavíkurborgar við Grensásveg bæði á laugar- og sunnudag. Svifryksmengun var hins vegar innan marka í Fjölskyldu- og húsdýragarðinum þar sem önnur mælistöð er staðsett. Veðurstofan spáir áfram þurrviðri, kulda og tölvuverðum vindi og því má búast við staðbundinni svifryksmengun í borginni næstu daga.

Þingmenn framlengdu launalækkun sína

Þingmenn samþykktu fyrir stundu að framlengja launalækkun sína sem ákveðin hafði verið til loka ársins 2010.

Öngþveiti í Evrópu

Öngþveiti ríkir í samgöngumálum í Evrópu vegna mikils fannfergis rétt þegar milljónir manna ætla að bregða sér af bæ um hátíðarnar.

Um 12% barna hafa fengið ógnvekjandi sms

Rösklega 12% barna sem eiga farsima segjast hafa fengið skilaboð í farsímann sinn sem hafi verið ógnandi eða hrætt þau.

Klámfenginn húðflúrari lamdi Guðmund í Byrginu

Héraðsdómur Suðurlands dæmdi húðflúrarann Ragnar Hauksson fyrir að hafa gengið í skrokk á Guðmundi Jónssyni, oft kenndur við Byrgið, á síðasta ári. Þá er hann einnig dæmdur fyrir ósiðlegt athæfi þegar hann klæmdist við sautján ára stúlku sem hann var að húðflúra.

Bandaríkin æfa eldflaugaárás frá Íran

Bandaríkjamenn ætla í janúar að æfa hvernig þeir myndu verjast langdrægri kjarnorkueldflaug frá Íran. Þeir hafa áður æft hvernig þeir myndu verjast eldflaugaárás frá Norður-Kóreu.

Sektaður um tvær milljónir fyrir hvíldarleysi

Vörubílstjóri var dæmdur til þess að greiða 2,1 milljón fyrir að virða ekki lögbundin hvíldartíma vörubílstjóra ítrekað. Það var Héraðsdómur Suðurlands sem dæmdi manninn til þess að greiða sektina en upphaf málsins má rekja til apríl á síðasta ári.

Mótmæli valda umferðartöfum

Um 80 - 100 vinnuvélar og stórir flutningabílar eru á leið að Alþingishúsinu þar sem mótmælt verður. Vélunum hefur verið ekið um borgina nú eftir hádegi og hafa þeir orsakað nokkrar umferðartafir. Við segjum nánar frá þessum mótmælum í dag.

Sakar ríkisstjórnina um að brjóta kjarasamninga

Gylfi Arnbjörnsson, formaður Alþýðusambands Íslands, mótmælir harðlega afnámi verðtryggingar persónuafsláttar í bréfi sem hann sendi þingmönnum í morgun.

Yngri dóttir Sophiu Hansen hugsanlega á leiðinni til Íslands

Yngri dóttir Sophiu Hansen, Rúna, verður kölluð til vitnis í aðalmeðferð í sakamáli gegn Sophiu sem var þingfest í Héraðsdómi Reykjavíkur í morgun.

Sundlaugarálftin drapst í morgun

Álft sem gerði sig heimakomna við Sundlaug Kópavogs og var flutt í húsdýragarðinn drapst þar í morgun.

Dæmdur fyrir tugmilljóna króna skattsvik

Héraðsdómur Reykjavíkur dæmdi 39 ára gamlan karlmann í sex mánaða skilorðsbundið fangelsi í dag fyrir að hafa ekki staðið skil á virðisaukaskatti og staðgreiðslu opinberra gjalda að upphæð 19 milljónir króna.

Bannað að barna á vígvellinum

Bandarískur hershöfðingi í Norður-Írak hefur hótað að leiða liðsmenn sína fyrir herrétt ef þeir verða ófrískir á meðan þeir gegna herþjónustu þar í landi.

Hæstiréttur þyngir dóm yfir fjármálastjóra Garðabæjar

Dómur yfir fyrrum fjármálastjóri Garðabæjar, Alfreð Atlasyni, var þyngdur í Hæstarétti Íslands í morgun. Áður hafði héraðsdómur dæmt Alfreð í sex mánaða skilorðsbundið fangelsi. Hæstiréttur þyngdi dóminn í átta mánuði, þar af eru sex mánuðir skilorðsbundnir.

Óhöppum vegna ölvunaraksturs hefur snarfækkað í ár

Umferðaróhöppum sem rakin eru til ölvunaraksturs eru 26% færri það sem af er árinu en á sama tíma í fyrra. Þetta kemur fram í tölum frá Umferðarstofu.

Lést í umferðarslysi á Hafnarfjarðarvegi

Annar þeirra sem lét lífið í umferðarslysi á Hafnarfjarðarveginum síðastliðinn föstudag hét Björn Björnsson.

Alþingi samþykkti skattahækkanir í morgun

Alþingi samþykkti í morgun bandorm ríkisstjórnarinnar um hækkun ýmissa óbeinna skatta sem og virðisaukaskatts, sem skila á ríkissjóði um 14 milljörðum í auknar tekjur á næsta ári. Gjöld á áfengi, tóbak og bensín verða hækkuð.

Landlæknir kannar álag á starfsmenn Landspítala

Landlæknisembættið hyggst á næstunni kanna ítarlega hvort álag á starfsmenn Landspítala hafi aukist frá því sem áður var og skila heilbrigðisráðherra greinargerð um málið. Þetta kemur fram á vef heilbrigðisráðuneytisins.

Ísraelar viðurkenna líffæraþjófanði

Mikið upphlaup varð í sumar þegar sænskur blaðamaður hafði eftir palestinskum heimildarmönnum að Ísraelar hefðu stolið líffærum úr líkum palestínumanna sem hefðu fallið í átökum við ísraelska herinn.

Fjarskiptamastur hrundi í óveðri

Fjarskiptamastur sem stendur á Hestgerðishnútu sem er á Borgarhafnarfjalli í Suðursveit féll í óveðri um helgina með þeim afleiðingum að húsið sem hýsir tækjabúnaðinn lagðist á hliðina.

Samfylkingin heldur forval á Seltjarnarnesi

Samfylkingin á Seltjarnarnesi efnir til forvals 30. janúar næstkomandi um röðun á framboðslista í sveitarstjórnarkosningunum í vor. Í tilkynningu frá skrifstofu Samfylkingarinnar kemur fram að framboðsfrestur í prófkjörinu rennur út þann 15. janúar. Rétt til framboðs eiga félagar í Samfylkingunni búsettir á Seltjarnarnesi sem hafa náð 18 ára aldri á prófkjörsdaginn.

Dóttir Sophiu Hansen kvödd til vitnis á Íslandi

Sophia Hansen hefur verið ákærð fyrir að hafa borið Sigurð Pétur Harðarson, fyrrum útvarpsmann, röngum sökum sem leiddi til þess að hann var grunaður um skjalafals árið 2007.

Samþykkja stuðning við nýsköpunarfyrirtæki

Alþingi samþykkti í morgun sérstakt frumvarp um breytingar á tekjuskatti sem miðar að því að styðja við nýsköpunarfyrirtæki.

Maður í gervi villisvíns skotinn til bana

Tveir grískir veiðimenn skutu þann þriðja til bana um helgina þar sem hann skreið um í skóglendi, sveipaður feldi sem hann notaði til að dulbúast sem villisvín og freista þess þannig að veiða eitt slíkt.

Bandarísk lögregla prófar höfuðmyndavélar

Lögregla í Kaliforníu hefur nú til reynslu nýja myndavélatækni sem ætlað er að vera til vitnis um allar aðgerðir hvers lögreglumanns.

Rannsaka akstur mannlauss bíls

Lögreglan á Selfossi grúskar nú í huldumannasögum og jafnvel draugasögum í von um að finna skýringu á því hvernig það mátti vera að bíl var ekið utan í annan bíl í Ölfusi í nótt, án þess að mannleg vera sæti þar undir stýri.

Bandaríkjamenn grafa sig út úr sköflunum

Íbúar austurstrandar Bandaríkjanna eru nú í óða önn að grafa sig út úr sköflum eftir mikið fannfergi og storm þar um helgina en jafnfallinn snjór náði allt að 60 sentimetrum og var til dæmis eitt met sett í þeim efnum í Maryland.

Tugir látnir í helkulda í Evrópu

Ískuldi og fannfergi í Evrópu urðu tugum að bana um helgina og samgöngur um alla álfuna eru gengnar úr skorðum.

Búðareigandi í Kaupmannahöfn stunginn í höfuðið

Búðareigandi á sextugsaldri í Kaupmannahöfn var stunginn í höfuðið í gærkvöldi þegar ránstilraun var gerð hjá honum. Tveir unglingspiltar komu inn í búðina og heimtuðu peninga með hníf á lofti.

Auschwitz-skiltið endurheimt

Hið heimsþekkta járnskilti Auschwitz-útrýmingarbúðanna, þar sem stendur Arbeit macht Frei, Vinnan gefur frelsi, hefur verið endurheimt en því var stolið í síðustu viku.

Þrír geimfarar halda til geimstöðvarinnar

Rússnesku Sojus-geimfari var skotið á loft frá Baikonur-geimstöðinni Kazakstan í nótt með þrjá geimfara innanborðs. Mennirnir eru frá Bandaríkjunum, Japan og Rússlandi og mun geimfarið koma að Alþjóðlegu geimstöðinni á Þorláksmessu.

Eurostar-lestin stopp vegna frosts

Allt að hundrað þúsund manns beggja vegna Ermarsunds sjá fram á að komast ekki á milli Bretlands og meginlandsins eftir að ljóst varð í gær að lestir Eurostar-fyrirtækisins munu ekki ganga um Ermarsundsgöngin í dag og ekki þangað til veður skánar í Evrópu en þar eru nú frosthörkur og fannfergi en hitamunur ofan- og neðanjarðar veldur rafmagnstruflunum í lestunum.

Einn ölvaður og annar velti stolnum bíl

Árekstur varð í Ármúla í Reykjavík í gærkvöldi þegar ölvaður ökumaður ók á öfugum vegarhelmingi á móti umferð. Ökumaður, sem á móti kom, sveigði yfir á öfugan vegarhelming til að forðast árekstur, en þá sveigði sá ölvaði yfir á réttan vegarhelming sín megin og skall þá á honum.

Íbúar í Garðabæ yfirbuguðu innbrotsþjóf

Íbúar í húsi við Strandveg í Garðabæ urðu í gærkvöldi varir við mannaferðir í íbúð sinni og þegar til kom reyndist þar vera innbrotsþjófur á ferð með skjávarpa í fórum sínum.

Tuttugu ár frá falli einræðis í Rúmeníu

Íbúar í Rúmeníu virðast flestir ætla að láta framhjá sér fara minningarathafnir um fall Nicolaes Ceausescu einræðisherra, sem steypt var af stóli fyrir tuttugu árum.

Amfetamín er enn framleitt hér á landi

Lögreglan hefur upplýsingar um að amfetamín sé framleitt hér á landi. Karl Steinar Valsson, yfirmaður fíkniefnadeildar lögreglunnar á höfuðborgarsvæðinu, staðfestir þetta.

Minnisblað Ingibjargar Sólrúnar

Fréttablaðið birtir hér Forsendur Brussel-viðmiða, minnisblað fyrrverandi utanríkisráðherra, Ingibjargar Sólrúnar Gísladóttur. Minnisblaðið fjallar um Icesave-deiluna og var ritað utanríkismálanefnd 18. desember 2009.

Ljósahaf vonar og samstöðu

Slys Kveikt var á friðarkertum á Kaplakrikavelli í Hafnarfirði í gærkvöldi til stuðnings Hrafnkatli Kristjánssyni, íþróttafréttamanni Sjónvarpsins og fyrrverandi leikmanns FH.

Blysför til friðar haldin á Laugaveginum

Íslenskir friðarsinnar efna til blysfarar niður Laugaveginn á Þorláksmessu eins og undanfarna þrjá áratugi.

Tólf fangar sendir heim

Tólf fangar voru fluttir frá Guantánamo-fangelsinu til síns heima um helgina. Sex karlmenn frá Jemen, fjórir Afganar og tveir Sómalar voru fluttir frá fangelsinu.

Aukning í öðru en svínakjöti

Sala á kindakjöti jókst um nítján prósent og sala á kjúklingum um fimmtán prósent í nóvember síðastliðnum saman­borið við sama mánuð í fyrra. Nautakjötssala jókst um rúmlega tólf prósent, en sala á svínakjöti dróst saman um átján prósent. Þetta kemur fram í samantekt Landsambands kúabænda.Framleiðsla á kindakjöti dróst á sama tíma saman um tólf prósent og framleiðsla svínakjöts um sautján prósent. Framleiðsla á kjúklingum jókst um 25 prósent, og framleiðsla á nautakjöti jókst um fjórtán prósent. - bj

Akranes stendur af sér hrunið

Fjárhagsáætlun Akranes­kaupstaðar fyrir næsta ár er jákvæð og var í vikunni samþykkt af bæjarstjórn. Áætlað eiginfjárhlutfall er 45 prósent. Ráðist verður í verklegar framkvæmdir fyrir 120 milljónir. Áætlaðar langtímaskuldir eru um 2,5 milljarðar króna, en áætlað eigið fé 4,2 milljarðar.