Erlent

Stígur fram og segir Írani hafa löðrungað Banda­ríkin

Hólmfríður Gísladóttir skrifar
Khamenei er sagður hafast við á öruggum stað, handan greipa Ísraels og Bandaríkjanna.
Khamenei er sagður hafast við á öruggum stað, handan greipa Ísraels og Bandaríkjanna. Skjáskot

Íranskir miðlar hafa birt myndskeið af Ayatollah Ali Khamenei, leiðtoga landsins, þar sem  hann segir meðal annars að Íran hafi greitt Bandaríkjunum „þungt högg í andlitið“.

Ekkert hefur heyrst frá Khamenei síðustu daga, þrátt fyrir yfirstandandi væringar.

Á X fagnar leiðtoginn meintum sigri yfir Ísrael og óskar Írönum til hamingju með sigurinn yfir stjórnvöldum í Bandaríkjunum. Khamenei segir Bandaríkjamenn hafa gripið inn í til að forða Ísraelsmönnum frá tortímingu.

Þeir hafi hins vegar ekki haft erindi sem erfiði.

Khamenei vísar til árásar Íran á herstöð Bandaríkjanna í Katar og segir Írana vera í aðstöðu til að grípa til slíkra árása á hernaðarinnviði Bandaríkjanna hvenær sem þeir telja þess þörf.

Segir hann fleiri slíkar árásir mögulegar og að óvinir Íran muni gjalda frekari ögrunum dýru verði.

Þá sakar Khamenei Donald Trump Bandaríkjaforseta um ósannindi varðandi fullyrðingar síðarnefnda um þann meinta skaða sem Trump segir árásir Bandaríkjanna hafa unnið á kjarnorkuinnviðum Íran.

Íran Ísrael Bandaríkin

Tengdar fréttir

Hvar er Khamenei?

„Fólk hefur áhyggjur af leiðtoganum. Getur þú sagt okkur hvar hann er?“ spurði sjónvarpsþáttastjórnandi í Íran í gær en gestur hans var Mehdi Fazaeli, starfsmaður Ayatollah Ali Khamenei.

Mest lesið


Fleiri fréttir

Sjá meira


×

Mest lesið