Blikar búnir að fá á sig sex­tán mörk í síðustu þremur leikjum

Blikar þurfa því að vinna upp fjögurra marka mun í seinni leiknum á Kópavogsvellinum.

Sérfræðingar Stúkunnar höfðu áhyggjur af varnarleik Breiðabliks eftir 4-3 tap á móti KR í Bestu deildinni um síðustu helgi og það er óhætt að segja að tölfræði síðustu þriggja leikja liðsins sé sláandi og styðji þær vangaveltur.

Blikar hafa nú fengið á sig sextán mörk í síðustu þremur leikjum sínum í öllum keppnum eða yfir fimm mörk að meðaltali í leik. Þessir þrír leikir hafa allir farið fram á síðustu níu dögum.

Breiðablik hefur spilað 270 mínútur í þessum þremur leikjum og er því að fá á sig mark á tæplega sautján mínútna fresti.

Þetta eru jafnmörg mörk og Breiðabliksliðið fékk á sig í tólf leikjum þar á undan eða öllum leikjum sínum frá 10. júní til 29. júlí.

Allir þessir þrír leikir hafa tapast þótt að Blikar hafi sjálfri skorað í þeim heil átta mörk.