Erlent

Danskir þing­menn beðnir um að hætta á TikTok

Bjarki Sigurðsson skrifar
Danska þingið er með aðsetur í Christiansborg-höllinni.
Danska þingið er með aðsetur í Christiansborg-höllinni. Getty/Ole Jensen

Danska þingið, Folketinget, hefur beðið þingmenn og starfsmenn þingsins um að hætta að nota samfélagsmiðilinn TikTok. Talið er að hætta sé á að gögnum um starfsmennina verði lekið noti þeir forritið.

Danska ríkisútvarpið greinir frá þessu. Ákvörðun þingsins kemur í kjölfar þess að Netöryggismiðstöð Danmerkur mældi gegn því að opinberir starfsmenn notuðu forritið. 

Samfélagsmiðlinn TikTok er í eigu kínverska fyrirtækisins Bytedance sem sagt er koma upplýsingum um notendur forritsins áfram til kínverska ríkisins. 

Danir eru ekki fyrsta þjóðin til að mæla gegn notkun miðilsins, bandarískir ríkisstarfsmenn fengu í gær þrjátíu daga frest til þess að eyða forritinu úr síðum sínum. Þá hefur þingmönnum Evrópuþingsins verið bannað að nota það. 

Danmörk Samfélagsmiðlar TikTok Kína Netöryggi

Tengdar fréttir

Vilja banna ríkis­starfs­mönnum að nota Tiktok

Bandarískum alríkisstarfsmönnum verður bannað að nota kínverska samfélagsmiðilinn Tiktok á tækjum í eigum ríkisins verði frumvarp að um útgjöld ríkisins að lögum í óbreyttri mynd. Þarlend yfirvöld telja forritið geta ógnað þjóðaröryggi.

Mest lesið


Fleiri fréttir

Sjá meira


×

Mest lesið