Erlent

Fjörutíu og níu handteknir og hald lagt á 30 tonn af kókaíni

Hólmfríður Gísladóttir skrifar
Frá aðgerðunum.
Frá aðgerðunum. Europol

Lögregluyfirvöld í fjórum Evrópuríkjum og Sameinuðu arabísku furstadæmunum réðust í aðgerðir dagana 8. til 19. nóvember síðastliðinn, þar sem 49 voru handteknir í tengslum við umfangsmikinn innflutning á kókaíni til Evrópu.

Um var að ræða húsleitir í stjórnstöð „ofur-fíkniefnahrings“ og aðgerðir gegn innviðum glæpasamtakanna, sem eru talin hafa stjórnað um þriðjungi allra kókaínviðskipta í Evrópu.

Samkvæmt tilkynningu frá Europol nær rannsóknin nokkur ár aftur í tímann en aðgerðirnar í nóvember náðu til Spánar, Frakklands og Belgíu, auk Sameinuðu arabísku furstadæmanna. 

Þær báru yfirskriftina „Eyðimerkurljós“.

Þrettán voru handteknir á Spáni, sex í Frakklandi, tíu í Belgíu og sex í Dúbaí. Þá voru fjórtán handteknir í Hollandi í fyrra.

Við rannsókn málsins var lagt hald á alls 30 tonn af kókaíni.

Í tilkynningu Europol er auknu samstarfi við Sameinuðu arabísku furstadæmin fagnað. Þar segir að samningur hafi meðal annars verið undirritaður um dvöl samskiptafulltrúa Sameinuðu arabísku furstadæmanna við höfuðstöðvar Europol í Hollandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.