Öll mörkin má sjá í klippunni hér að neðan en það var mark Ólafs Karls sem stóð upp úr. Hann fékk boltann í vítateig ÍA, með bakið að markinu, lyfti boltanum upp með fótunum og skoraði svo með gullfallegri bakfallsspyrnu.

Markið skoraði Ólafur Karl rétt fyrir hálfleik en áður hafði Emil Atlason komið Stjörnunni yfir eftir fyrirgjöf Eggerts Arons Guðmundssonar.

Emil átti svo stóran þátt í lokamarki leiksins þegar hann vann boltann af Skagamönnum og kom honum á Ísak Andra Sigurgeirsson sem skoraði.