Hiti að átján stigum og líkur á þokulofti víða

Atli Ísleifsson skrifar 30. maí 2022 07:32

Hiti verður tíu til átján stig að deginum. Vísir/Vilhelm

Veðurstofan gerir ráð fyrir hægri breytilegri átt eða hafgolu í dag og léttskýjuðu. Allvíða séu líkur á þokulofti við suðvestur- og vesturströndina, og einnig austurströndina þegar líður á daginn.

Á vef Veðurstofunnar segir að hiti verði tíu til átján stig að deginum, en svalara í þokuloftinu.

„Áfram fremur hægur vindur á morgun og væta af og til á sunnan- og vestanverðu landinu. Víða þurrt og bjart veður á Norðaustur- og Austurlandi, en þó líkur á stöku síðdegisskúrum. Hiti 8 til 17 stig, mildast norðaustantil,“ segir í hugleiðingum veðurfræðings.

Veðurhorfur á landinu næstu daga

Á þriðjudag: Breytileg átt 3-10 m/s og væta með köflum. Víða þurrt og bjart veður á Norðaustur- og Austurlandi, en líkur á stöku síðdegisskúrum. Hiti 8 til 17 stig, mildast norðaustantil.

Á miðvikudag og fimmtudag: Breytileg átt 3-8 m/s. Skýjað með köflum og víða dálitlar skúrir, einkum síðdegis. Hiti 6 til 14 stig.

Á föstudag: Suðvestan 5-13 og rigning, en þurrt að kalla á Suðaustur- og Austurlandi. Hiti breytist lítið.

Á laugardag og sunnudag (hvítasunnudagur): Sunnan- og suðaustanátt og súld eða dálítil rigning með köflum, en þurrt að kalla á Norður- og Austurlandi. Milt í veðri.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.