Fyrr­verandi for­sætis­ráð­herrann hand­tekinn

DW segir frá því að lögregla í Búlgaríu hafi handtekið fjölda manns í tengslum við rannsóknina sem snýr að 120 færslum sem tengjast styrkjum frá ESB til Búlgaríu.

Borissov var handtekinn í gær en rannsóknin er á vegum skrifstofu saksóknara Evrópusambandsins í Búlgaríu. Í tilkynningu frá innanríkisráðuneyti Búlgaríu segir að Borisov verði í varðhaldi í sólarhring, en ekkert er þar gefið upp um mögulega ákæru.

Saksóknarar hafa verið að rannsaka misnotkun á styrkjum ESB til Búlgaríu á sviði landbúnaðar og innviðauppbyggingar og vegna kórónuveirufaraldursins.

Forsætisráðherrann Kiril Petkov sagði í færslu á Facebook-síðu sinni að enginn væri hafinn yfir lög, eftir að fréttir bárust af handtökunni.

Petkov myndaði ríkisstjórn í kjölfar sigurs í þingkosningunum í Búlgaríu í nóvember síðastliðinn, en í kosningabaráttunni hét hann því að berjast hart gegn spillingu í landinu.

Hinn 62 ára Borissov gegndi embætti forsætisráðherra í Búlgaríu á árunum 2009 til 2013 og aftur frá 2014 til 2021. Áður hafði hann gegnt embætti borgarstjóra höfuðborgarinnar Sofiu.