„Fólki er sagt að landamærin séu opin, þannig að það er verið að lofa fólki betra lífi. Þetta náttúrulega myndi ekkert gerast nema með stuðningi Hvíta-Rússlands og stjórnvalda. Fólk kemst ekkert að landamærunum nema stjórnvöld styðji það,“ segir Hilmar.

Evrópusambandið hefur harðlega gagnrýnt stjórnvöld þar í landi og yfirvöld í Póllandi segja Hvít-Rússa flytja farand- og flóttafólk í trukkum aftur að landamærunum.

Sjá einnig: Saka Lúkasjenka um að flytja fólk aftur að landamærunum

„Auðvitað er þetta svikamylla, það er farið mjög illa með þetta fólk á landamærunum. Það er sprautað framan í þau táragasi og með vatnsbyssum. Þetta náttúrulega er ekkert í samræmi við mannréttindaviðhorf og yfirlýsingar Evrópusambandsins, að taka svona á móti fólki sem er búið að fara illa með, og plata og féfletta,“ segir Hilmar Þór í viðtalinu.

„Það blasir alveg við að Pútín er á bakvið þetta“

Hilmar telur að Vla­dimir Pútín, for­seti Rúss­lands, standi þétt við bak ein­ræðis­herrans.

„Það blasir alveg við að Pútín er á bak­við þetta. Pútín neitar að vera á bak­við þetta en það er af því hann vill vera ein­hver mála­miðlunar­maður; milli Evrópu­sam­bandsins og til að miðla málum við Lúka­sjenka,“ segir Hilmar Þór.

Lúkasjenka hótað að skrúfa fyrir gas

„Hann [Lúkasjenka] er byrjaður að hægja á gas- og olíuflutningum til Evrópu, vegna þessarar deilu. Hann vill að viðskiptaþvingununum verði aflétt og er farinn að beita þessum leiðslum sem liggja í gegnum Hvíta-Rússland,“ segir Hilmar Þór.

Hilmar segir að Lúkasjenka sé þannig farinn að beita orku sem vopni, enda Þýskaland mjög háð gasi frá Rússlandi.

„Pútín er óánægður og hann náttúrulega notar sitt leppríki til að gera alls konar hluti. Til þess að reyna að komast í samningsstöðu, reyna að vekja ugg og ótta og sundrungu, og það er það sem hann er að gera.“

Sjá einnig: Hvít-Rússar hóta að skrúfa fyrir gasið

Hlusta má í viðtalið í heild sinni hér að neðan.