Erlent

Biden hittir Johnson, drottninguna og Pútín

Gunnar Reynir Valþórsson skrifar
Forsetahjónin Joe og Jill Biden lentu á Englandi í gær.
Forsetahjónin Joe og Jill Biden lentu á Englandi í gær. epa/Neil Hall

Joe Biden Bandaríkjaforseti er mættur til Evrópu í sína fyrstu opinberu heimsókn eftir að hann tók við forsetaembættinu. Hann kom til London í gærkvöldi og hittir Boris Johnson forsætisráðherra í dag.

Þeir ætla að ræða nýjan Atlantshafssamning, þar sem fjalla á um umhverfis- og öryggismál meðal annars. 

Biden mun einnig hitta Elísabetu Englandsdrottningu, mæta á fund G7 ríkjanna og sækja leiðtogafund Nató. 

Að síðustu mun hann funda með Vladimír Pútín Rússlandsforseta í Genf í Sviss. 

Samkvæmt upplýsingum frá Hvíta húsinu hyggst forsetinn ræða mörg mikilvæg mál við Pútín; meðal annars aðgerðir Rússa í Úkraínu, netárásir og fangelsun stjórnarandstæðingsins Alexei Navalny.

Biden hefur hótað Rússum hörðum viðbrögðum ef þeir sýna af sér „skaðvænlega hegðun“.

Bandaríkin Rússland Bretland Joe Biden Elísabet II Bretadrottning
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið