Fékk ekki tækifæri til að þjálfa Gascoigne því Tottenham keypti hús handa foreldrum hans Runólfur Trausti Þórhallsson skrifar 22. maí 2021 07:00 Sir Alex Ferguson stýrði Manchester United frá 1986 til 2013. EPA-EFE/PETER POWELL Sir Alex Ferguson viðurkenndi í skemmtilegu spjalli við Gary Neville að hann hefði mest viljað þjálfa Paul Gascoigne á sínum tíma. Þá ræddu þeir andrúmsloftið á Anfield. Hinn goðsagnakenndi fyrrum þjálfari Manchester United [og Aberdeen] var í viðtali hjá Neville fyrir vefmiðilinn LADbible. Var hann að svara spurningum sem höfðu verið sendar inn og var það aðallega ein sem vakti athygli Skotans. Hvaða leikmann hefði hann mest verið til í að þjálfa á sínum tíma en fékk aldrei tækifæri til. Hinn 79 ára gamli Ferguson þurfti ekki að hugsa sig lengi um. „Paul Gascoigne, engin spurning. Að mínu mati var hann besti enski leikmaðurinn síðan Bobby Charlton var upp á sitt besta. Hann var frábær leikmaður en því miður náðum við aldrei að festa kaup á honum.“ „Þegar ég horfi til baka tel ég að hann hafi gert stór mistök, hann viðurkenndi það nokkrum árum síðar. Við höfðum góða „Geordie“ [fólk frá Norð-Austur Englandi] tengingu í liðinu okkar. Bobby Charlton, Bryan Robson, Steve Bruce og meira að segja Gary Pallister frá Middlesbrough. Við vorum með fólk sem hefði séð um hann, sérstaklega Bryan Robson. Hann var frábær með leikmennina, eins og þú veist,“ sagði Ferguson en Gascoigne var ungur að árum er hann fór að glíma við bakkus og ýmis önnur vandamál. Paul Gascoigne í baráttunni við Paul Scholes í leik Everton og Manchester United.EPA/ROBIN PARKER Gascoigne er 53 ára gamall í dag og var af mörgum talinn besti leikmaður sinnar kynslóðar á Englandi. Hann ólst upp hjá Newcastle United og Ferguson sagði stórskemmtilega sögu af því þegar hann sá Gascoigne spila fyrst. Gazza - eins og hann var ávallt kallaður - klobbaði þá mótherja og klappaði honum á kollinn er hann hljóp framhjá honum og náði boltanum á nýjan leik. Ásamt því að vera frábær fótboltamaður þá var hann mikill skemmtikraftur. „Í hreinskilni sagt, hann var stórkostlegur. Ég sagði við Martin Edwards þegar við komum í rútuna að hann yrði að fjárfesta í honum. Ég vildi hringja í hann á mánudeginum en hann hafði þegar komist að samkomulagi við Tottenham. Hann var þó ekki búinn að skrifa undir og vildi á endanum koma til okkar en skipti svo um skoðun þegar Tottenham keypti hús handa móður hans og föður.“ „Martin Edwards var ekki týpan til að kaupa hús fyrir fjölskyldumeðlimi,“ sagði Ferguson þegar Neville spurði hvort hann hefði ekki verið til í að fjárfesta í húsi fyrir fjölskyldu Gascoigne. Gascoigne lék með Newcastle frá 1985-1988 og svo Tottenham frá 1988-1992. Þaðan fór hann til Lazio á Ítalíu, svo Rangers í Skotlandi og svo aftur heim til Middlesbrough og Everton áður en það fjaraði undan ferlinum. Alls lék hann 57 A-landsleiki fyrir England og skoraði 10 mörk. Aðspurður hvort það væru einhverjir leikmenn í dag sem hann hefði viljað þjálfað þá komu nokkrir í hugann. Þar á meðal Harry Kane, Dele Alli – sem Ferguson hélt að yrði toppleikmaður, Son Heung-min og Sergio Agüero voru nefndir. „Ég tel að toppliðin framleiði alltaf leikmenn sem geta staðið upp úr,“ bætti Skotinn við. Þetta ásamt umræðu þeirra Ferguson og Neville um Anfield má sjá hér að neðan. View this post on Instagram A post shared by SPORTbible (@sportbible) Fótbolti Enski boltinn Mest lesið Salah eftir rifrildið við Klopp: „Ef ég tala mun allt loga“ Enski boltinn Antonio eyðilagði endurkomu Rauða hersins Enski boltinn Hvetja fólk til að sækja um vegabréfsáritun núna: „Gæti orðið hörmung“ Fótbolti Enn ein vonbrigðin fyrir United Enski boltinn Uppgjörið og viðtöl: Þróttur R. - Valur 1-2 | Amanda heldur áfram að skora Íslenski boltinn Arnór stökk til: „Hugsaði að við hefðum engu að tapa“ Handbolti Klopp og Salah rifust á hliðarlínunni Enski boltinn „Auðvitað voru þetta ekki gleðifréttir“ Íslenski boltinn Klopp: Verð hamingjusamur ef rétt ákvörðun er tekin Enski boltinn Biðst afsökunar á að hafa rætt við West Ham Enski boltinn Fleiri fréttir Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Klopp og Salah rifust á hliðarlínunni Antonio eyðilagði endurkomu Rauða hersins Biðst afsökunar á að hafa rætt við West Ham Arteta hefur beðið Wenger um ráð hvernig eigi að verða meistari Ten Hag bannaði þremur fjölmiðlum að spyrja spurninga Leicester í úrvalsdeildina eftir rassskellingu Leeds Stólpagrín gert að Terry vegna stjörnustæla hans Liverpool nær samkomulagi um Slot Leikmaður Newcastle tók meirapróf Rashford: Nú er nóg komið Finnst De Bruyne betri en Gerrard og Lampard Slot staðfestir að hann vilji taka við Liverpool Einstefna í Brighton Krókur Liverpool á móti bragði Palace á mikilli siglingu Líflausir Liverpoolmenn skrá sig út úr titilbaráttunni Bruno sneri taflinu við gegn botnliðinu Liverpool hefur viðræður við Arne Slot Slapp við rautt þrátt fyrir fólskubrot: „Einhver þarf að útskýra þetta fyrir mér“ Tveir nítján ára handteknir fyrir nauðgun Fyllir Slot upp í tómarúmið sem Klopp skilur eftir sig? Segir sína menn ekki verðskulda Evrópusæti Segir sitt hlutverk að fá leikmenn til að trúa á verkefnið Skytturnar tylltu sér á toppinn með stæl Skorar tíðast allra en missir enn af leikjum Liverpool Sjá meira
Hinn goðsagnakenndi fyrrum þjálfari Manchester United [og Aberdeen] var í viðtali hjá Neville fyrir vefmiðilinn LADbible. Var hann að svara spurningum sem höfðu verið sendar inn og var það aðallega ein sem vakti athygli Skotans. Hvaða leikmann hefði hann mest verið til í að þjálfa á sínum tíma en fékk aldrei tækifæri til. Hinn 79 ára gamli Ferguson þurfti ekki að hugsa sig lengi um. „Paul Gascoigne, engin spurning. Að mínu mati var hann besti enski leikmaðurinn síðan Bobby Charlton var upp á sitt besta. Hann var frábær leikmaður en því miður náðum við aldrei að festa kaup á honum.“ „Þegar ég horfi til baka tel ég að hann hafi gert stór mistök, hann viðurkenndi það nokkrum árum síðar. Við höfðum góða „Geordie“ [fólk frá Norð-Austur Englandi] tengingu í liðinu okkar. Bobby Charlton, Bryan Robson, Steve Bruce og meira að segja Gary Pallister frá Middlesbrough. Við vorum með fólk sem hefði séð um hann, sérstaklega Bryan Robson. Hann var frábær með leikmennina, eins og þú veist,“ sagði Ferguson en Gascoigne var ungur að árum er hann fór að glíma við bakkus og ýmis önnur vandamál. Paul Gascoigne í baráttunni við Paul Scholes í leik Everton og Manchester United.EPA/ROBIN PARKER Gascoigne er 53 ára gamall í dag og var af mörgum talinn besti leikmaður sinnar kynslóðar á Englandi. Hann ólst upp hjá Newcastle United og Ferguson sagði stórskemmtilega sögu af því þegar hann sá Gascoigne spila fyrst. Gazza - eins og hann var ávallt kallaður - klobbaði þá mótherja og klappaði honum á kollinn er hann hljóp framhjá honum og náði boltanum á nýjan leik. Ásamt því að vera frábær fótboltamaður þá var hann mikill skemmtikraftur. „Í hreinskilni sagt, hann var stórkostlegur. Ég sagði við Martin Edwards þegar við komum í rútuna að hann yrði að fjárfesta í honum. Ég vildi hringja í hann á mánudeginum en hann hafði þegar komist að samkomulagi við Tottenham. Hann var þó ekki búinn að skrifa undir og vildi á endanum koma til okkar en skipti svo um skoðun þegar Tottenham keypti hús handa móður hans og föður.“ „Martin Edwards var ekki týpan til að kaupa hús fyrir fjölskyldumeðlimi,“ sagði Ferguson þegar Neville spurði hvort hann hefði ekki verið til í að fjárfesta í húsi fyrir fjölskyldu Gascoigne. Gascoigne lék með Newcastle frá 1985-1988 og svo Tottenham frá 1988-1992. Þaðan fór hann til Lazio á Ítalíu, svo Rangers í Skotlandi og svo aftur heim til Middlesbrough og Everton áður en það fjaraði undan ferlinum. Alls lék hann 57 A-landsleiki fyrir England og skoraði 10 mörk. Aðspurður hvort það væru einhverjir leikmenn í dag sem hann hefði viljað þjálfað þá komu nokkrir í hugann. Þar á meðal Harry Kane, Dele Alli – sem Ferguson hélt að yrði toppleikmaður, Son Heung-min og Sergio Agüero voru nefndir. „Ég tel að toppliðin framleiði alltaf leikmenn sem geta staðið upp úr,“ bætti Skotinn við. Þetta ásamt umræðu þeirra Ferguson og Neville um Anfield má sjá hér að neðan. View this post on Instagram A post shared by SPORTbible (@sportbible)
Fótbolti Enski boltinn Mest lesið Salah eftir rifrildið við Klopp: „Ef ég tala mun allt loga“ Enski boltinn Antonio eyðilagði endurkomu Rauða hersins Enski boltinn Hvetja fólk til að sækja um vegabréfsáritun núna: „Gæti orðið hörmung“ Fótbolti Enn ein vonbrigðin fyrir United Enski boltinn Uppgjörið og viðtöl: Þróttur R. - Valur 1-2 | Amanda heldur áfram að skora Íslenski boltinn Arnór stökk til: „Hugsaði að við hefðum engu að tapa“ Handbolti Klopp og Salah rifust á hliðarlínunni Enski boltinn „Auðvitað voru þetta ekki gleðifréttir“ Íslenski boltinn Klopp: Verð hamingjusamur ef rétt ákvörðun er tekin Enski boltinn Biðst afsökunar á að hafa rætt við West Ham Enski boltinn Fleiri fréttir Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Klopp og Salah rifust á hliðarlínunni Antonio eyðilagði endurkomu Rauða hersins Biðst afsökunar á að hafa rætt við West Ham Arteta hefur beðið Wenger um ráð hvernig eigi að verða meistari Ten Hag bannaði þremur fjölmiðlum að spyrja spurninga Leicester í úrvalsdeildina eftir rassskellingu Leeds Stólpagrín gert að Terry vegna stjörnustæla hans Liverpool nær samkomulagi um Slot Leikmaður Newcastle tók meirapróf Rashford: Nú er nóg komið Finnst De Bruyne betri en Gerrard og Lampard Slot staðfestir að hann vilji taka við Liverpool Einstefna í Brighton Krókur Liverpool á móti bragði Palace á mikilli siglingu Líflausir Liverpoolmenn skrá sig út úr titilbaráttunni Bruno sneri taflinu við gegn botnliðinu Liverpool hefur viðræður við Arne Slot Slapp við rautt þrátt fyrir fólskubrot: „Einhver þarf að útskýra þetta fyrir mér“ Tveir nítján ára handteknir fyrir nauðgun Fyllir Slot upp í tómarúmið sem Klopp skilur eftir sig? Segir sína menn ekki verðskulda Evrópusæti Segir sitt hlutverk að fá leikmenn til að trúa á verkefnið Skytturnar tylltu sér á toppinn með stæl Skorar tíðast allra en missir enn af leikjum Liverpool Sjá meira