Erlent

Fyrst til að fá lungnaígræðslu úr lifandi líf­­færa­gjafa

Hallgerður Kolbrún E. Jónsdóttir skrifar
Konan er sú fyrsta í heiminum til þess að fá lungnaígræðslu frá lifandi líffæragjafa.
Konan er sú fyrsta í heiminum til þess að fá lungnaígræðslu frá lifandi líffæragjafa. Getty

Japönsk kona varð í dag sú fyrsta til þess að fá lungnaígræðslu frá líffæragjafa sem er á lífi. Konan hafði orðið fyrir því að líffæri hennar biluðu í kjölfar þess að hún smitaðist af kórónuveirunni og fékk hún hluta úr lungum sonar síns og eiginmanns.

Læknar í Kyoto vona að konan muni ná sér að fullu á næstu mánuðum.

Biðtími fyrir lungnaígræðslu – í tilfellum þar sem líffæragjafarnir eru látnir – eru mjög langir, bæði í Japan og annars staðar í heiminum.

Aðgerðin tók um ellefu klukkutíma og fór fram á háskólasjúkrahúsinu í Kyoto. Ástand konunnar og líffæragjafanna tveggja er talið stöðugt að sögn lækna.

Tugir hafa hlotið ígræðslur vegna afleiðinga kórónuveirusýkingar í Kína, Evrópu og Bandaríkjunum en í öllum tilfellum hafa lungu úr látnum líffæragjöfum verið notuð. Að sögn sjúkrahússins í Tokyo er biðtíminn eftir slíkri ígræðslu áralöng.

Þegar í ljós kom að konan, sem hafði ýmsa undirliggjandi sjúkdóma, þyrfti á lungnaígræðslu að halda til þess að lifa af þær skemmdir sem veiran veitti líkama hennar, ákváðu sonur hennar og eiginmaður að bjóða eigin lungu til hennar bjargar.

Faraldur kórónuveiru (COVID-19) Japan Líffæragjöf
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið