Allardyce ver ákvörðun Newcastle um selja ekki Dyer

Sam Allardyce, framkvæmdastjóri Newcastle, ver ákvörðun klúbbsins um að hætta við að selja Kieron Dyer til West Ham. Allt leit út fyrir að vera frágengið þegar Newcastle hætti skyndilega við að selja leikmanninn. Allardyce segist vera óánægður með vinnubrögð West Ham og Alan Curbishley, framkvæmdastjóra West Ham.

Alladyce segir þó að á endanum hafi það verið kaupverðið sem var óásættanlegt þar sem sex milljónir punda væri ekki nóg fyrir leikmann eins og Dyer. „Á endanum gerðum við okkur grein fyrir að við værum að selja hann of ódýrt," sagði Allardyce.

„Dyer er frábær leikmaður og hann er samningsbundinn okkur. Hann getur ekki verið ósáttur því að hann skrifaði undir samninginn og verður því að standa við hann. Það væri frábært ef að West Ham myndi hækka tilboðið en geri þeir það ekki er greinilegt að þeir meti leikmanninn ekki eins mikið og við."