Flamini: Mig hungrar í titla

Mathieu Flamini, leikmaður Arsenal, var orðin hungraður í titla og ákvað því að ganga til liðs við sitt fyrrum félag Arsenal í sumar.

Leikmaðurinn var hjá Arsenal á árunum 2004-08 og var hluti af liði Arsene Wenger sem vann enska bikarinn árið 2005, en það er síðasti titill Arsenal.

Mathieu Flamini hefur verið hjá AC Milan síðastliðin fjögur ár en er núna kominn heim að hans sögn.

„Þetta er mikilvægt tímabil fyrir mig persónulega og Arsenal,“ sagði Flamini við enska fjölmiðla.

„Okkar markmið eru skýr, við ætlum að berjast um titla á tímabilinu. Með tilkomu Mesut Özil til liðsins eru við til alls líklegir.“

„Ég á ákveðin verk ókláruð hjá félaginu og ætla mér að vinna titla hér hjá Arsenal.“