For­sætis­ráð­herrann látinn fá­einum vikum eftir að hafa greinst með Co­vid-19

Í tilkynningu frá ríkisstjórn landsins segir að Dlamini hafi andast síðdegis í gær á sjúkrahúsi í Suður-Afríku. Ekkert er minnst á dánarorsök, en áður hafði verið tilkynnt um að hann hafi greinst með Covid-19 og að hann nyti aðhlynningar á sjúkrahúsi í Suður-Afríku.

Dlamini hafði gegnt embætti forsætisráðherra Esvatíní, landsins sem áður gekk undir nafninu Svasíland, síðan í október 2018. Landið er eitt af örfáum ríkjum sem eftir eru þar sem konungur er svo gott sem alráður. Er landið landlukt og á einungis landamæri að Suður-Afríku.

Alls búa rúmlega milljón manns í Esvatíní, en þar eru skráð kórónuveirusmit nú tæplega sjö þúsund og hafa andlát 127 manna verið rakin til Covid-19.