Þúsundir yfirgefa heimili sín vegna storma

Gunnar Reynir Valþórsson skrifar 24. ágúst 2020 07:01

Mikil flóð hafa orðið á Haíti vegna hitabeltisstormsins. Vísir/Getty

Þúsundum hefur verið gert að yfirgefa heimili sín í Karíbahafinu og í Suðurríkjum Bandaríkjanna vegna tveggja storma sem gengu yfir Karíbahaf um helgina.

Annars vegar er um að ræða fellibylinn Marco og hins vegar hitabeltisstorminn Láru sem hafa skilið eftir sig slóð eyðileggingar á Haítí, Kúbu og í Dóminíska Lýðveldinu.

Miklar rigningar hafa einnig skollið á Púertó Ríkó af þeirra völdum. Búist er við að Marco nái að ströndum Louisiana í Bandaríkjunum síðar í dag og að Lára skelli á Texas á fimmtudaginn kemur.

Þó gæti farið svo að Lára sæki í sig veðrið, nái styrk fellibyls og breyti um stefnu og skelli líka á Louisiana. Það yrði þá í fyrsta sinn í skráðri sögu sem tveir fellibyljir skelli á ríkinu á sama tíma.

Trump forseti hefur lýst yfir neyðarástandi í Louisiana og sama gerði hann fyrir Púertó Ríkó á laugardag.

Bandaríkin Haítí Púertó Ríkó Kúba Dóminíska lýðveldið

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.