Íslenski boltinn

Búinn að taka fimmtán fleiri skot en næsti maður á lista

Óskar Ófeigur Jónsson skrifar
Óttar Magnús Karlsson hefur þegar skorað 9 mörk í Pepsi Max deild karla í sumar en hann hefur líka reynt 47 skot í leikjunum tíu.
Óttar Magnús Karlsson hefur þegar skorað 9 mörk í Pepsi Max deild karla í sumar en hann hefur líka reynt 47 skot í leikjunum tíu. Vísir/Bára

Óttar Magnús Karlsson hefur verið óhræddur við að skjóta á markið í fyrstu tíu leikjum Víkinga í Pepsi Max deild karla í sumar.

Óttar Magnús hefur reynt 47 skot í leikjum tíu og er með 4,39 skot á hverjar 90 mínútur spilaðar.

Óttar Magnús er í raun með yfirburðastöðu á lista tölfræðiþjónustunnar Wyscout yfir þá sem hafa tekið flest skot í deildinni til þessa.

Hann er með fimmtán skot í forskot á næsta mann sem er FH-ingurinn Steven Lennon með 32 skot. KR-ingurinn Óskar Örn Hauksson er síðan þriðji með 30 skot og liðsfélagi hans Atli Sigurjónsson er fjórði með 29 skot.

Óttar Magnús Karlsson er markahæsti leikmaður Pepsi Max deildar karla ásamt Blikanum Thomas Mikkelsen en báðir hafa þeir skorað 9 mörk. Thomas Mikkelsen er á undan á listanum þar sem hann hefur spilað einum leik færra.

Thomas Mikkelsen hefur líka fengið betri færi en Óttar því markalíkur Danans í sumar eru 8,89 á móti 5,76 hjá Óttari. Hér erum við að tala um tölfræði yfir markalíkur (XG - Expected goals) frá Wyscout.

Það hafa verið 0,12 líkur á marki í hverju skoti Óttars Magnúsar sem er lægra en hjá Steven Lennon (0,17) en hærra en hjá bæði Óskari Erni (0,08) og Atla (0,07).

Það hafa aftur á móti 0,34 líkur á marki í hverju af 26 skotum Thomas Mikkelsen í leikjum Blika í sumar sem er næstum því þrefalt meira en hjá Óttari.

Flest skot í Pepsi Max deild karla til þessa í sumar:

  • 1. Óttar Magnús Karlsson, Víkingi 47
  • 2. Steven Lennon, FH 32
  • 3. Óskar Örn Hauksson, KR 30
  • 4. Atli Sigurjónsson, KR 29
  • 5. Patrick Pedersen, Val 27
  • 6. Thomas Mikkelsen, Breiðabliki 26
  • 6. Stefán Teitur Þórðarson, ÍA 26
  • 8. Hilmar Árni Halldórsson, Stjörnunni 25
  • 8. Brynjólfur Andersen Willumsson, Breiðabliki 25
  • 10. Hallgrímur Mar Steingrímsson, KA 23

Leikur Fjölnismanna og Víkinga í 13. umferð Pepsi Max deildar karla hefst klukkan 18.00 í kvöld á Extra vellinum í Grafarvogi. Engir áhorfendur eru leyfðir á leiknum en hann varður sýndur í beinni útsendingu á Stöð 2 Sport 3 og hefst útsendingin klukkan 17.50.

Þrettánda umferðin heldur svo áfram á föstudaginn og laugardaginn en allir leikirnir verða í beinni útsendingu á sportstöðvum Stöðvar tvö.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.