Enski boltinn

Pogba og Bruno báðir meiddir eftir samstuð á æfingu

Ísak Hallmundarson skrifar
Pogba og Bruno hafa náð vel saman undanfarið á miðjunni hjá Manchester United.
Pogba og Bruno hafa náð vel saman undanfarið á miðjunni hjá Manchester United. getty/Matt Childs

Paul Pogba og Bruno Fernandes eru sagðir báðir hafa farið haltrandi af æfingu eftir að sá fyrrnefndi hljóp á þann síðarnefnda. Mirror greinir frá þessu

Það væru skelfileg tíðindi fyrir Manchester United ef báðir þessir leikmenn verða lengi frá en þeir hafa spilað vel saman á miðjunni undanfarið. Þá er þetta sérstaklega leiðinlegt fyrir Pogba sem er nýkominn til baka úr erfiðum meiðslum.

Þeir eru sagðir tæpir fyrir leik United og Bournemouth á morgun en Fernandes er sagður hafa litið verr út. Þetta er skellur sem gæti ekki komið á verri tíma fyrir Man Utd þar sem þeir eru að eltast við Meistaradeildarsæti og eiga enn möguleika á að vinna FA bikarinn og Evrópudeildina.




Fleiri fréttir

Sjá meira


×