Tegnell ítrekað hótað lífláti

Atli Ísleifsson skrifar 26. maí 2020 12:45

Anders Tegnell hefur ýmist verið hrósað eða gagnrýndur vegna viðbragða sænskra heilbrigðisyfirvalda við faraldrinum. EPA

Anders Tegnell, sóttvarnalækni Svíþjóðar, hefur ítrekað verið hótað lífláti á síðustu vikum og mánuðum. Lögregla í landinu reynir nú að hafa uppi á þeim sem hafa hótað honum, en í skilaboðum segir að hópur manna hafi sammælst um að drepa Tegnell og ráðast gegn fjölskyldu hans.

„Ég var ekki svo uggandi sjálfur, en tek þessu mjög alvarlega þegar þetta beinist að fjölskyldu minni,“ á Tegnell að hafa sagt í yfirheyrslu hjá lögreglu að því er fram kemur í frétt Aftonbladet.

Tegnell hefur ýmist verið hrósað eða gagnrýndur vegna viðbragða sænskra heilbrigðisyfirvalda við faraldrinum. Greint var frá því í dag að 96 til viðbótar hafi látist af völdum Covid-19 síðasta sólarhringinn og eru skráð dauðsföll því nú 4.125 talsins. Fjöldi látinna í Svíþjóð er sérlega hár í samanburði við nágrannaríkin.

Aftonbladet greinir frá því að lögregla hafi ítrekað rannsakað hótanir sem hafa borist Tegnell og fjölskyldu hans – bæði í pósti, tölvupósti og á spjallforritinu Messenger.

Svíþjóð Faraldur kórónuveiru (COVID-19)

Tengdar fréttir

Rúmlega fjögur þúsund nú látnir í Svíþjóð

Greint var frá því í hádeginu að 31 dauðsfall til viðbótar hafi verið skráð síðasta sólarhringinn og eru þau því orðin 4.029 í heildina í landinu.

25. maí 2020 13:48

Einn forvera Tegnell segir að nágrannalöndin muni á endanum ná Svíþjóð

Fyrrverandi sóttvarnalæknir Svíþjóðar segir Svía hafa beitt hárréttum aðferðum í faraldrinum spáir að eftir um ár verði Norðmenn, Danir og Finnar búnir að ná Svíum þegar kemur að fjölda dauðsfalla.

8. maí 2020 12:54

Tegnell telur kórónuveiruna hafa komið til Svíþjóðar í nóvember

Sænski sóttvarnalæknirinn Anders Tegnell telur að kórónuveiran hafi í raun komið til Svíþjóðar í nóvember á síðasta ári.

5. maí 2020 08:43

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.