Bendtner vaknaði minnislaus í baðkarinu

Daninn Nicklas Bendtner heldur því fram að einhverju eiturlyfi hafi verið laumað í glas hans á skemmtistað í London á síðasta ári.

"Ég var úti á lífinu með vini mínum og við vorum að drekka skot. Þegar ég vaknaði daginn eftir í baðkarinu mínu var ég algjörlega minnislaus," sagði Bendtner en vinir hans þurftu að láta renna úr baðinu eftir að hann lagðist þar í fötunum.

Myndir náðust af honum yfirgefa skemmtistaðinn með buxurnar á hælunum. Fyrir það var hann sektaður um tveggja vikna laun.

"Ég er alveg klár á því að einhverju var laumað í glasið mitt."

Bendtner heldur því einnig fram í sama viðtali að hann sé hættur að skemmta sér eins mikið og hann gerði áður.

"Þeir dagar er ég stóð upp á borði og var hrókur alls fagnaðar eru liðnir. Það gæti komið einstaka sinnum fyrir en ekki alltaf lengur."