Rodgers útilokar að sleppa Agger og Carroll

Brendan Rodgers, stjóri Liverpool, býst ekki við því að missa þá Daniel Agger og Andy Carroll áður en félagaskiptaglugginn lokar.

Liverpool hefur hafnað tveim tilboðum frá Man. City í Agger. Rodgers segist ekki búast við öðru tilboði. Félagið vilji þess utan ekki selja og svo vill Agger ekki fara.

Komi aftur á móti of gott tilboð til að hafna viðurkennir Rodgers að líklega sé málið úr hans höndum.

Rodgers segir einnig að það væri galið að lána Carroll þó svo hann hafi látið i það skína fyrir nokkru síðan að félagið myndi lána leikmanninn.

"Það er enginn möguleiki á því að við lánum hann. Sérstaklega kemur ekki til greina að lána hann til Newcastle enda greiddum við 35 milljónir punda fyrir hann. Hópurinn er lítill og við megum ekki við því að missa leikmenn," sagði Rodgers.