The Sun: Liverpool vill Van Gaal

Samkvæmt frétt í enska blaðinu The Sun hefur Liverpool áhuga á að ráða Hollendinginn Louis van Gaal sem knattspyrnustjóra.

Kenny Dalglish var rekinn í síðustu viku og hafa margir verið orðaður við starfið síðan þá. Roberto Martinez og Andre Villas-Boas munu hafa þekkst boð um atvinnuviðtal.

Van Gaal er nú án félags en hann hefur þó þjálfað mörg stórlið á ferlinum, svo sem Ajax, Barcelona og Bayern München.

The Sun segir að Liverpool hafi fyrst viljað ráða Van Gaal sem yfirmann knattspyrnustjóra en hann mun frekar hafa áhuga á því að halda áfram störfum sem þjálfari.