Fyrrum knattspyrnumennirnir og núverandi spekingar Sky Sports, Gary Neville og Jamie Carrager, voru gestir á viðburðinum The Big Season Debate sem fór fram á vegum Sky.



Þar var rætt um hvaða lið gætu unnið ensku úrvalsdeildina og einnig var rætt um lægðina sem Manchester United hefur verið í síðustu ár.



Neville sagði að Manchester City, Liverpool og Totenham hafi öll gengið í gegnum sveiflur á síðustu árum. Nú væri það United sem hafði verið í þeim sveiflum.



Hann hélt áfram og sagði að þrátt fyrir sveiflur United væri líklegra að liðið myndi vinna deildina á undan Liverpool. Carragher skaut þó aðeins á hann þegar það kom fram.

"Manchester United will win the league before Liverpool... Salah will leave... I absolutely guarantee,".



Some BIG words from @GNev2.



You can watch the full video exclusively below.

— Sky Bet (@SkyBet) August 14, 2019

Neville var ekki hættur og sagði ekki bara að United myndi vinna deildina á undan Liverpool heldur einnig að Mohamed Salah myndi yfirgefa Liverpool þegar hann sér ekki fram á að liðið vinni ensku úrvasdeildina.



Fyrrum hægri bakvörður enska landsliðsins er ekki þekktur fyrir að halda aftur af sér er hann sest í spekingarstólinn en myndbandið af þeim félögum rökræða þetta má sjá hér að ofan.