Gylfi sendi Gomes góða kveðju: „Við erum öll með þér“
Gylfi Þór Sigurðsson sendi liðsfélaga sínum hjá Everton, Andre Gomes, góða kveðju á Instagram í dag.
Gomes fótbrotnaði illa í leik Everton og Tottenham í gær. Hann gekkst undir aðgerð í dag sem heppnaðist vel.
„Við erum öll með þér! Ég vonast til að sjá þig allra fyrst aftur inni á vellinum,“ skrifaði Gylfi á Instagram og birti mynd af þeim Gomes.
We are all with you! Hope to see you back on the pitch as soon as possibleView this post on Instagram
A post shared by Gylfi Sigurdsson (@gylfisig23) on
Gylfi kom inn á fyrir Gomes þegar hann meiddist í leiknum í gær. Íslenski landsliðsmaðurinn hefur byrjað á varamannabekknum í síðustu fjórum leikjum Everton.
Liðið er í 17. sæti ensku úrvalsdeildarinnar með ellefu stig eftir ellefu leiki.
Tengdar fréttir
„Augu hans voru galopin en ég reyndi að halda utan um hann og tala við hann“
Meiðsli Everton mannsins Andre Gomes fengu mikið á marga sem á horfðu ekki síst aðra leikmenn á vellinum.
Pochettino: Son er miður sín
Hrikaleg meiðsli Andre Gomes í leik Everton og Tottenham í ensku úrvalsdeildinni í kvöld tóku mikið á Son-Heung min.
Hræðileg meiðsli Gomes í dramatísku jafntefli á Goodison
Everton náði í jafntefli gegn Tottenham seint í uppbótartíma eftir að Andre Gomes var borinn út af á börum eftir hrikaleg meiðsli.
