Liverpool þurfti að fjarlægja borða sem þeirra eigin stuðningsmenn voru með í kvöld er liðið spilar við Genk í Belgíu í Meistaradeild Evrópu.



Stuðningsmennirnir settu upp borða af Divock Origi. Framherjinn var nakinn á myndinni og stóð hliðina á Meistaradeildarbikarnum.



Starfsmenn Liverpool voru fljótir til og létu fjarlægja borðann sem þeir sögðu að væri staðalímynd fyrir kynþáttahatur.



„Þetta er algjörlega óafsakanlegt. Liverpool fordæmir móðgandi borða sem var á okkar svæði á vellinum áður en leikurinn hófst,“ segir í tilkynningu Liverpool.

Liverpool have condemned a "racist" banner depicting Divock Origi that was displayed by fans before Wednesday's Champions League fixture in Genk.https://t.co/6s3xCqXpd5pic.twitter.com/5w0FCKljVd

— BBC Sport (@BBCSport) October 23, 2019

„Við brugðumst fljótt við til þess að fjarlægja borðann og nú erum við að vinna að því ásamt starfsfólki vallarins í Genk hverjir bera ábyrgð á þessu.“



„Allar aðgerðir í kjölfarið munu vera teknar í samræmi við refsiferlið innan félagsins,“ sagði félagið að lokum.



Origi sem er 24 ára gamall kom í gegnum akademíu Genk áður en hann fór þaðan til Lille árið 2010.



Hann byrjaði leikinn í kvöld á varamannabekknum.