Þór/KA vann HK/Víking í fyrsta leik lokaumferðar Pepsi Max deildar kvenna í kvöld.



Liðin mættust í Kórnum í kvöld og kom eina mark leiksins á 41. mínútu. Andrea Mist Pálsdóttir átti hornspyrnu sem Arna Sif Ásgrímsdóttir skallaði í netið.



Þór/KA var sterkari aðilinn og réði við tilraunir HK/Víkings til þess að jafna leikinn, lokatölur urðu 1-0 fyrir Norðankonum.



Þór/KA lýkur leik í deildinni í fjórða sæti með 28 sæti. HK/Víkingur var hins vegar nú þegar fallið niður í Inkassodeildina og kveður efstu deild með sjö stig úr 18 leikjum.