Krabbaveiðimenn í klandri í Skerjafirði
Björgunarsveit Hafnarfjarðar kom litlum vélarvana bát í Skerjafirði til aðstoðar skömmu eftir klukkan 20 í gær. Þrír menn voru í bátnum og kölluðu þeir eftir aðstoð, en mótor bátsins á að hafa bilað meðan skipverjarnir voru að vitja um krabbagildrur.
Björgunarsveitin var við æfingar í Hafnarfirði og mætti á vettvang og aðstoðaði við að koma bát og mönnum að landi.
Í skeyti lögreglu segir ennfremur að báturinn hafi aðeins verið lítill gúmmíbátur sem beri varla meira en tvo menn auk þess sem einn um borð hafi ekki verið í björgunarvesti.
Ekki fylgir sögunni hvernig fiskaðist.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
