Það er búið að skora 219 mörk í Pepsi Max-deild karla og athygli vekur að flest mörk deildarinnar koma úr Þingeyjarsýslunni.

Hinn talnaglöggi sparkspekingur, Leifur Grímsson, greinir frá þessu á Twitter-síðu sinni í dag. Strákar sem eru aldir upp hjá Völsungi á Húsavík hafa skorað mest eða 26 mörk. Uppaldir Blikar koma svo næstir með 21 mark.

204 íslenskir leikmenn hafa spilað í Pepsi Max í sumar og hafa þeir skorað 219 mörk. Breiðablik á flesta leikmenn en Völsungar skora mest #fotboltinetpic.twitter.com/DCLTQhsS1m

— Leifur Grímsson (@lgrims) August 21, 2019

Þar á eftir koma Fylkisstrákar með 18 en Stjarnan, Víkingur og ÍA eiga svo stráka með 16 mörk í sumar.

Leifur greinir einnig frá því 204 leikmenn hafi spilað í Pepsi Max-deildinni í sumar og Blikar hafa alið upp flesta leikmenn deildarinnar eða 23. Fylkir kemur næstur með 18 og svo FH með 15.

Völsungar á skotskónum:

Elfar Árni Aðalsteinsson, KA - 8 mörk

Hallgrímur Mar Steingrímsson, KA - 8

Pálmi Rafn Pálmason, KR - 6

Baldur Sigurðsson, Stjarnan - 3

Hrannar Björn Steingrímsson, KA - 1