Jafnt í fallslag á Ásvöllum
Haukar og Afturelding skildu jöfn, 1-1, í fyrsta leik 18. umferðar Inkasso-deildar karla.
Leikurinn var afar mikilvægur í fallbaráttunni. Afturelding er enn í 9. sæti, nú með 18 stig. Haukar fóru hins vegar upp úr fallsæti og eru í því tíunda með 16 stig. Magni sendir Hauka aftur niður í fallsæti ef liðið fær stig gegn botnliði Njarðvíkur á laugardaginn.
Afturelding byrjaði leikinn af miklum krafti og skoraði áður en nokkur útileikmaður Hauka snerti boltann. Markið gerði David Eugenio Marquina. Hann fylgdi þá eftir skoti Jasons Daða Svanþórssonar sem Sindri Þór Sigþórsson varði út í vítateiginn.
Maaaaark!
Haukar 0-1 Afturelding
1' Boltanum er skipt yfir á Jason sem köttar inná völlinn fer framhjá tveimur og klobbar þriðja. Skot sem markvörður Hauka ver útí teiginn þar sem David Marquina fylgir eftir! Haukar höfðu ekki snert boltann! pic.twitter.com/O2I1nckXbm
— Afturelding (@umfafturelding) August 22, 2019
Á 23. mínútu jafnaði Aron Freyr Róbertsson fyrir Hauka eftir góða skyndisókn og sendingu Ásgeirs Þórs Ingólfssonar.
Fleiri urðu mörkin ekki og niðurstaðan 1-1 jafntefli.
Haukum hefur ekki gengið vel á Ásvöllum í sumar. Þeir hafa aðeins fengið sex stig í níu heimaleikjum.
Upplýsingar um úrslit og markaskorara eru fengnar frá Fótbolta.net.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
