Liverpool treyjan er nú þrisvar sinnum vinsælli en Man. United treyjan

Engin treyja í ensku úrvalsdeildinni selst betur í dag en Liverpool treyjan en staðarblaðið Liverpool Echo segir frá nýjum sölutölum frá sölufyrirtækinu Love the Sales.

„Þökk sé Alex Ferguson var Liverpool í skugga Manchester United í þrjátíu ár en gott gengi í deildinni og vel heppnuð kaup á leikmannamarkaðnum sáu Liverpool komst fram úr Manchester United á treyjumarkaðnum tímabilið 2017-18,“ segir í frétt Liverpool Echo.

Þróunin er kominn miklu lengra en síðan þá. „Liverpool treyjurnar eru núna þrisvar sinnum vinsælli en treyjur Manchester United,“ segir í frétt Liverpool Echo.

United really are in Liverpool’s shadow on and off the pitch #LFC#MUFChttps://t.co/0NMVUTRtvH

— GiveMeSport Football (@GMS__Football) August 27, 2019

Eftirspurnin eftir Liverpool-treyjum jókst um 76 prósent á síðustu leiktíð þar sem Liverpool var í titilbaráttunni fram á síðasta dag og vann síðan Meistaradeildina í sjötta sinn í sögu félagsins.

Vinsældir Liverpool eru svo miklar að markmannstreyja Alisson Becker selst nú betur en margar heimavallartreyjur liða ensku úrvalsdeildarinnar.

Arsenal with more sales than Man Utd

Huddersfield with more sales than Tottenham

Leeds with more sales than Everton

But Liverpool shirts are more popular than any other club https://t.co/1mgpG74kAe

— GiveMeSport Football (@GMS__Football) August 28, 2019

Markmannstreyja Alisson eru svo vinsæl að það er meiri eftirspurn eftir henni en eftir treyjum liða eins og Everton, Newcastle United og West Ham United. Treyja Alisson er eins og er ellefta vinsælasta fótboltatreyja á Englandi segir í frétt Liverpool Echo.

Liverpool ætlar að nýta sér þetta og er að leita sér að nýjum samningi við íþróttavöruframleiðanda og stefnir að því að fá eins góðan eða jafnvel betri samning en Manchester United gerði á sínum tíma við Adidas.

Nú síðast var Nike orðað við Liverpool og talað um mögulegt met. Liverpool fær að minnsta kosti miklu meira en þær 45 milljónir punda sem félagið fær árlega í núgildandi samningi sínum við New Balance.

Vinsælustu treyjurnar á Englandi:

1. Liverpool (Enska úrvalsdeildin)

2. Arsenal (Enska úrvalsdeildin)

3. Manchester United (Enska úrvalsdeildin)

4. Manchester City (Enska úrvalsdeildin)

5. Chelsea (Enska úrvalsdeildin)

6. Huddersfield Town (B-deildin)

7. Tottenham Hotspur (Enska úrvalsdeildin)

8. Aston Villa (Enska úrvalsdeildin)

9. Newcastle United (Enska úrvalsdeildin)

10. West Ham United (Enska úrvalsdeildin)

11. Leeds United (B-deildin)

12. Everton (Enska úrvalsdeildin)

13. Wolverhampton Wanderers (Enska úrvalsdeildin)

14. Leicester City (Enska úrvalsdeildin)

15. Derby County (B-deildin)

16. Nottingham Forest (B-deildin)

17. Crystal Palace (Enska úrvalsdeildin)

18. Norwich City (Enska úrvalsdeildin)

19. Sunderland (C-deildin)

20. Stoke City (B-deildin)

21. Sheffield United (Enska úrvalsdeildin)

22. Watford (Enska úrvalsdeildin)

23. Southampton (Enska úrvalsdeildin)

24. Cardiff City (B-deildin)

25. Burnley (Enska úrvalsdeildin)