Rooney setur tappann í flöskuna til þess að bjarga hjónabandinu
Wayne Rooney, framherji DC United sem gengur í raðir Derby í janúar, er sagður vera búinn að setja tappann í flöskuna til þess að bjarga hjónabandi sínu.
Heimildarmenn segja að ráðgjafi sé tilbúinn til þess að hjálpa enska framherjanum til þess að hætta að drekka en Rooney vill algjörlega hætta eftir erfitt síðasta ár.
Wayne Rooney 'quits alcohol to patch up marriage with Coleen' ahead of Derby movehttps://t.co/cjGpyrc4Jg pic.twitter.com/NGQxs8B31t
— Mirror Football (@MirrorFootball) August 13, 2019
Hjónaband hans og Coleen hefur verið flekkótt eftir nokkrar barferðir hjá Rooney og var hann meðal annars handtekinn fyrr á þessu ári er hann keyrði undir áhrifum áfengis.
Rooney er nú á leið aftur til Englands þar sem hann verður spilandi aðstoðarþjálfari hjá B-deildarliði Derby en fjölskylda Rooney flutti aftur til Englands í sumar eftir að hafa búið með Rooney í Bandaríkjunum.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
