Sjáðu mörkin sem tryggðu FH sæti í bikarúrslitum
FH tryggði sér sæti í úrslitaleik Mjólkurbikars karla í fótbolta með 3-1 sigri á KR í Kaplakrika í kvöld. FH mætir annað hvort Víkingi R. eða Breiðabliki í úrslitaleiknum 14. september.
Steven Lennon kom FH-ingum yfir með marki úr vítaspyrnu á 9. mínútu. Fimm mínútum síðar jafnaði Finnur Tómas Pálmason fyrir KR með skalla eftir hornspyrnu Pablos Punyed.
Þegar fimm mínútur voru til hálfleiks kom Brandur Olsen FH yfir með föstu skoti.
Á 72. mínútu gulltryggði svo Morten Beck sigur FH þegar hann skoraði með skalla eftir fyrirgjöf Olsens.
Mörkin úr leiknum má sjá hér fyrir neðan.
Tengdar fréttir
Umfjöllun og viðtöl: FH - KR 3-1 | FH-ingar komnir í bikarúrslit
FH vann 3-1 sigur á KR í fyrri undanúrslitaleik Mjólkurbikars karla. FH mætir annað hvort Víkingi R. eða Breiðabliki í bikarúrslitaleiknum.
Ólafur: Dæmir ekki bíómynd fyrr en henni er lokið
Þjálfari FH hrósaði sínum mönnum í hástert eftir sigurinn á KR í undanúrslitum Mjólkurbikars karla.
