Ekki í fyrsta sinn sem leikmaður tekur rauða spjaldið af Þorvaldi Árnasyni | Myndbönd
Elfar Freyr Helgason lét skapið hlaupa með sig í gönur þegar Breiðablik tapaði fyrir Víkingi R., 3-1, í undanúrslitum Mjólkurbikars karla í gær.
Á 82. mínútu tæklaði Elfar Freyr Víkinginn Ágúst Eðvald Hlynsson aftan frá og var rekinn út af. Elfar var þó ekki hættur og tók rauða spjaldið af Þorvaldi Árnasyni, dómara leiksins, og kastaði því í grasið.
Þetta er ekki í fyrsta sinn sem leikmaður tekur rauða spjaldið af Þorvaldi.
Í leik Breiðabliks og FH í Pepsi-deildinni fyrir fimm árum brást Kassim Doumbia, varnarmaður FH-inga, illa við þegar Þorvaldur rak hann út af.
Kassim reif í hendina á Þorvaldi sem missti rauða spjaldið. Jonathan Hendrickx, samherji Kassims, tók spjaldið upp og kom því í réttar hendur.
Fyrir framkomu sína fékk Kassim tvo leiki í bann til viðbótar við eins leiks bannið sem hann fékk fyrir rauða spjaldið.
Bæði atvikin með Þorvald og rauðu spjöldin má sjá hér fyrir neðan.
Elfar og Þorvaldur
Kassim og Þorvaldur
Tengdar fréttir
Kári: Draumur sem varð að veruleika
Landsliðsmaðurinn var í sjöunda himni eftir að Víkingar tryggðu sér sæti í bikarúrslitum.
Ágúst: Víkingar voru öflugir og komust upp með að vera grimmir
Þjálfari Breiðabliks var vonsvikinn eftir tapið fyrir Víkingi R. í kvöld.
Umfjöllun og viðtöl: Víkingur - Breiðablik 3-1 | Víkingar í bikarúrslit í fyrsta sinn 48 ár
Víkingur R. vann Breiðablik, 3-1, í seinni undanúrslitaleik Mjólkurbikars karla. Víkingar mæta FH-ingum í bikarúrslitaleiknum 14. september.
Sjáðu magnað aukaspyrnumark Óttars og hin mörkin þegar Víkingar komust í bikarúrslit
Víkingur R. mætir FH í úrslitaleik Mjólkurbikars karla 14. september.
Arnar: Væri til í að ættleiða Óttar
Þjálfari Víkings R. var himinlifandi eftir að hans menn tryggðu sér sæti í bikarúrslitum.
