Óttast að margir hafi látist í sprengjuárás á brúðkaup
Yfirvöld í Afganistan óttast að fjölmargir hafi látist eða særst í sprengjuárás sem gerð var á brúðkaup í Kabúl, höfuðborg Afganistan í kvöld. Hundruð veislugesta voru í salnum þar sem sprengjuárásin var gerð.
BBC hefur eftir vitni að sprengingin hafi verið að völdum sjálfsmorðsprengjumanns sem lét til skarar skríða í miðri brúðkaupsathöfn í sal í vesturhluta borgarinnar. Ekki er víst hverjir bera ábyrgð á árásinni.
Hvorki tala látinna né særðra liggur fyrir en vitni telja sig hafa séð lík í salnum eftir sprenginguna.
Þann 7. ágúst síðastliðinn létust 14 og 145 særðust þegar bílsprengja sprakk í sömu götu og salurinn þar sem brúðkaupið var haldið í kvöld. Talibanar lýstu yfir ábyrgð á þeirri árás.
Þá létust 55 í nóvember þegar sjálfsmorðsprengjumaður gerði árás í sal í Kabúl þar sem fjölmargir höfðu komið saman til að minnast fæðingu Múhameðs spámmans.
Tengdar fréttir
Tugir féllu þegar sprengja sprakk við hraðbraut
Afgönsk yfirvöld kenna talibönum um tilræðið en þeir neita sök.
Tólf þúsund börn myrt eða alvarlega særð í átökum á síðasta ári
Árleg skýrsla aðalframkvæmdastjóra Sameinuðu þjóðanna um börn og vopnuð átök kom út í gær og nær til tuttugu átakasvæða í heiminum. Samkvæmt henni voru rúmlega 12 þúsund börn ýmist myrt og lífshættulega særð á síðasta ári.
