Gíbraltar hafnar beiðni Bandaríkjanna um kyrrsetningu
Stjórnvöld í Gíbraltar hafa hafnað kröfu bandarískra stjórnvalda um að leggja aftur hald á Grace 1, íranskt olíuskip sem kyrrsett var í byrjun síðasta mánaðar vegna gruns um að skipið flytti olíu til Sýrlands, þvert gegn refsiaðgerðum Evrópusambandsins gegn ríkinu.
Bandaríkin lögðu beiðnina fram á föstudag, daginn eftir að Gíbraltar aflétti kyrrsetningunni.
Gíbraltar segist ekki geta orðið við beiðni Bandaríkjamanna þar sem að refsiaðgerðir Bandaríkjanna gagnvart Íran gildi ekki innan Evrópusambandsins.
Gert er ráð fyrir því að skipið yfirgefi Gíbraltar í kvöld og sigli til Írans.
Tengdar fréttir
Bandaríkin segja Íran hafa hertekið olíuflutningaskip
Olíuflutningaskip sem bar fána Panama hvarf á Hormússundi án nokkurra ummerkja seint á laugardagskvöld. Bandaríkin hafa ásakað Íran um að hafa hertekið skipið.
Bretar tilbúnir að sleppa íranska olíuskipinu að uppfyltum skilyrðum
Bretar vilja láta fullvissa sig um að skipið muni ekki flytja olíu til Sýrlands.
Sprengingar í olíuskipum á Ómanflóa
Grunur leikur á að ráðist hafi verið á skipin.
