Tottenham að stela Bruno Fernandes af Manchester United?

Sky Sports fréttastofan greinir frá því í kvöld að Tottenham hafi sett sig í samband við Sporting Lisbon um möguleg kaup á Bruno Fernandes.

Heimildarmaður Sky í Portúgal greindi frá því í gær að forráðamenn Tottenham og Sporting hafi hist í Lissabon í gær þar sem þeir ræddu möguleg félagaskipti miðjumannsins.

BREAKING: Tottenham in talks with Sporting Lisbon over the signing of Bruno Fernandes, according to Sky Sources

— Sky Sports News (@SkySportsNews) August 1, 2019

Manchester United hefur verið þrálátlega orðað við þennan öfluga miðjumann en nú er líklegra talið að hann gangi í raðir Lundúnarliðsins en að hann fari til Manchester.

Viðræðurnar eru þó enn á grunnstigi en mikill áhugi er frá hendi Tottenham að ná í 24 ára gamla Portúgalann sem kom að 33 mörkum Sporting á síðustu leiktíð.

Tottenham hefur reynt að ná að klófesta miðjumann Real Betis, Giovani Lo Celso, en það hefur ekki gengið sem skildi og nú hafa þeir snúið sér að Fernandes.