Enski boltinn

Nýliðarnir búnir að kaupa leikmenn fyrir næstum því 85 milljónir punda

Ingvi Þór Sæmundsson skrifar
Ezri Konda í búningi Aston Villa.
Ezri Konda í búningi Aston Villa. vísir/getty

Aston Villa hefur fest kaup á varnarmanninum Ezri Konsa frá Brentford. Kaupverðið er tólf milljónir punda.

Dean Smith, knattspyrnustjóri Villa, þekkir vel til Konsa en hann lék undir hans stjórn hjá Brentford. Konsa hefur leikið sjö leiki fyrir enska U-21 árs landsliðið. Einn þeirra kom á EM U-21 árs í sumar.

Villa, sem leikur í ensku úrvalsdeildinni eftir þriggja ára fjarveru, hefur látið til sín taka á félagaskiptamarkaðnum í sumar og keypt leikmenn fyrir tæplega 84 milljónir punda.

Konsa er sjöundi leikmaðurinn sem Villa fær í sumar. Áður voru Tyrone Mings, Kortney Hause, Anwar El Ghazi, Matt Targett, Wesley og Jota komnir til félagins.

Villa sækir Tottenham heim í 1. umferð ensku úrvalsdeildarinnar 10. ágúst.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.