Rondon fylgir Benitez til Kína

WBA hefur selt Salomon Rondon til kínverska úrvalsdeildarliðsins Dalian Yifang.

Þar hittir hann fyrir knattspyrnustjórann Rafa Benitez en þeir þekkjast vel eftir að hafa unnið saman hjá Newcastle United í ensku úrvalsdeildinni á síðustu leiktíð. 

Þá var Rondon á láni hjá Newcastle frá WBA og var þessi 29 ára gamli Venezúela maður í lykilhlutverki hjá Benitez þar sem hann skoraði 11 mörk í 32 deildarleikjum fyrir Newcastle sem hafnaði í 13.sæti deildarinnar.

Rondon hafði riftunarákvæði í samningi sínum upp á 16,5 milljónir punda og nýtti Dalian Yifang sér það.

Með Dalian Yifang spila einnig Marek Hamsik og Yannick Carrasco en liðið hafnaði í 11.sæti kínversku deildarinnar á síðustu leiktíð.

Time to take on a new challenge, thanks for your support!! pic.twitter.com/QX6wsqGo5q

— Salomón Rondón (@salorondon23) July 19, 2019