FH og Stjarnan gerðu 2-2 jafntefli í Kaplakrika í Pepsi Max deildinni á föstudag. Atli Viðar Björnsson greindi leik FH í Pepsi Max Mörkunum í gærkvöld.

„Það kom mér svakalega á óvart hvernig FH byrjaði leikinn. Þeir liggja til baka með allt liðið sitt á eigin vallarhelmingi og leyfðu Stjörnunni að hafa boltann,“ sagði Atli sem þekkir vel til FH-liðsins en hann spilaði með liðinu nær allan sinn feril þar til hann setti skóna á hilluna síðasta haust.

„Mér fannst eiginlega bara pínulítið sorglegt að sjá hvað FH-ingarnir lögðust djúpt.“

„Lið sem er með menn eins og Atla Guðnason, Steven Lennon, Brand Olsen, ég held að svoleiðis lið hljóti að vilja hafa boltann í staðinn fyrir að vera í vörn.“

Stjarnan komst yfir 2-0 í leiknum en FH jafnaði úr föstum leikatriðum á tveggja mínútna kafla.

Alla greiningu Atla má sjá hér að neðan.