Ferguson hvetur United til að ráða manninn sem keypti Kante og Mahrez til Leicester
Sir Alex Ferguson, fyrrum knattspyrnustjóri Manchester United, hefur hvatt félagið til þess að ráða Steve Walsh til starfa hjá félaginu.
Sky Sports hefur þetta eftir heimildum sínum en hann á að hjálpa til við að breyta uppbyggingu félagsins. Mikið hefur verið rætt um hvernig félagið er byggt upp og vill stjórn félagsins nú breyta til.
Ferguson vill að Walsh komi inn í þetta starf og einnig að hann taki yfir það starf að fylgjast með bestu ungu leikmönnum félagsins og þróa stefnu félagsins hvað varðar yngri leikmenn.
Interesting developments regarding the structure of recruitment at @ManUtd, where Sir Alex Ferguson has recommended Steve Walsh to the club.
It is understood chief executive Ed Woodward doesn't like the idea.
Follow all the latest news here: https://t.co/KGzszKGKAk pic.twitter.com/QEiV6UDkOC
— Sky Sports News (@SkySportsNews) June 18, 2019
Walsh var yfirmaður innkaupa hjá Leicester er félagið varð Englandsmeistari 2015/216 og var meðal annars maðurinn á bakvið N'Golo Kante og Riyad Mahrez.
Síðustu tvö ár hefur Walsh hins vegar verið yfirmaður knattspyrnumála hjá Everton þar sem ekki gekk sem skildi. Hann hætti þar 16. maí er Marcel Brands var fenginn í hans stað.
Það eru þó ekki allir sammála Ferguson hvað þetta varðar en Ed Woodward, framkvæmdarstjóri félagsins, vill frekar fá fyrrum leikmann Manchester United í verkið.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
