Erlent

Fullyrða að skemmdarverk hafi verið unnin á olíuskipum

Gunnar Reynir Valþórsson skrifar
Olíuskip við Sádi-Arabíu. Myndin tengist fréttinni ekki beint.
Olíuskip við Sádi-Arabíu. Myndin tengist fréttinni ekki beint. Getty/Simon Dawson
Sádí-Arabar fullyrða að tvö olíuflutningaskip þeirra hafi orðið fyrir skemmdarverkum undan strönd Sameinuðu arabísku furstadæmanna í morgun. Skipin eru sögð nokkuð löskuð en annað þeirra var á leið að sækja olíu sem átti að sigla með til Bandaríkjanna.



Bandaríkjamenn hafa nýlega aukið verulega við herlið sitt á svæðinu og hafa gefið úr viðvaranir til sjófarenda. Bandaríkjamenn segja líklegt að Íranir eða leppar þeirra muni ráðast gegn sjófarendum á svæðinu.



Íranska utanríkisráðuneytið krefst þess hins vegar að Sádar útskýri almennilega hvað þarna gekk á og hverskyns skemmdarverk hafi verið um að ræða. Þá var varað við því að erlendir aðilar reyni að stofna til illinda á milli ríkja við Persaflóann.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.