Enski boltinn

Manchester liðin hafa bæði mikinn áhuga á „næsta Frank Lampard“

Óskar Ófeigur Jónsson skrifar
Bruno Fernandes er áhugaverður leikmaður.
Bruno Fernandes er áhugaverður leikmaður. Getty/Gualter Fatia
Bruno Fernandes er nafni sem áhugafólk um ensku úrvalsdeildina gætu heyrt miklu meira af á næstunni. Það bendir nefnilega margt til þess að þessi Portúgali spili í deildinni á næstu leiktíð.

Bæði Manchester liðin, City og United, eru sögð hafa mikinn áhuga á því að fá Bruno Fernandes en hann spilar nú með Sporting Lisbon og er fyrirliði liðsins 24 ára gamall.

Bruno Fernandes hefur líka átt magnað tímabil með Sporting Lisbon í portúgölsku deildinni en hann er með 32 mörk og 17 stoðsendingar í öllum keppnum á þessari leiktíð. Í fyrra var hann kosinn besti leikmaður deildarinnar.

Bruno Fernandes hefur verið kallaður „næsti Frank Lampard“ en báðir eru þeir leikmenn sem skora mikið af miðjunni.





Í portúgölsku deildinni er Bruno Fernandes með 20 mörk og 13 stoðsendingar en enginn miðjumaður hefur komið með beinum hætti að fleiri mörkum í bestu deildum Evrópu á Englandi, á Ítalíu, á Spáni, í Þýskalandi, í Frakklandi, í Portúgal eða í Hollandi.

Bruno Fernandes hefur komið að 46 prósentum af 71 marki Sporting Lisbon í portúgölsku deildinni á þessu tímabili. Hann hefur verið kosinn besti leikmaður mánaðarins þrjá mánuði í röð.

Það er ljóst á öllu að það er komið að því hjá Bruno Fernandes að stíga næsta skref og komast í sterkari deild.

Það verður því spennandi að sjá hvort Manchester City eða Manchester United hafi betur í kapphlaupinu eða hvort eitthvað annað félag hafi óvænt betur á endasprettinum.







Enski boltinn

Mest lesið


Fleiri fréttir

Sjá meira


×

Mest lesið