Carragher og Neville staðnir að því að gera grín að sögu Man. City í gær

Manchester City var kannski ekki líklegt til afreka áður en peningarnir fóru að streyma inn frá Sheikh Mansour en í gær steig City liðið stórt skref í átt að því að vinna Englandsmeistaratitilinn annað árið í röð.

City liðið var ekki sannfærandi í 1-0 sigri á Leicester City á heimavelli en fyrirliðinn Vincent Kompany tryggði liðinu öll stigin með frábæru marki.

Sigurmarkið kom tuttugu mínútum fyrir leikslok og fyrir vikið er það ljóst að sigur á Brighton á lokdeginum færir Manchester City liðinu Englandsmeistaratitilinn í fjórða sinn á sjö árum.

Saga Manchester City liðsins fyrir yfirtöku Sheikh Mansour árið 2008 er ekki upp á marga fiska í samanburði við sögu Liverpool eða Manchester United.

Carragher and Neville mugging of Man City’s “legend lounge”pic.twitter.com/I2tBqKvi13

— - (@CIinicalTorress) May 6, 2019

Knattspyrnusérfræðingarnir Jamie Carragher og Gary Neville voru mættir á Ethiad leikvanginn í gær og stóðust það ekki að gera grín að sögu Manchester City fyrir leikinn. Jamie Carragher var leikmaður Liverpool alla tíð og Neville lék aðeins fyrir Manchester United.

Gary Neville birti myndaband í beinni á Instagram þar sem sjá má hann og Gary Neville á bak við tjöldin á Ethiad leikvanginum. Þar má heyra Jamie Carragher skjóta á sögu Manchester City.

„Gary, hér er goðsagnastofan en það er enginn hérna,“ sagði Jamie Carragher og Gary Neville bætir því við í gríni að þar væri hinir lítt þekktu leikmenn Manchester City Steve Lomas og Georgi Kinkladze.

Þeir létu þó þar við sitja og hrósuðu Manchester City liðinu síðan eftir leikinn.

I see Neville and Carragher have found the Etihad’s ‘Legends’ Lounge’  pic.twitter.com/s039D9kLHn

— FootballJOE (@FootballJOE) May 6, 2019

„Ég var á vellinum þegar Aguero skoraði markið sem tryggði þeim 2012 titilinn og það er ekki hægt að toppa þá stund fyrir þessa stuðningsmenn. Þessi kemst þó mjög nálægt því,“ hefur Daily Mail eftir Gary Neville.

„Það bera allir virðingu fyrir Kompany. Hann er stórkostlegur innan sem utan vallar. Það var hægt að velta fyrir sér milljónum útkomum í þessum leik en þessi var líklega ekki ein af þeim,“ sagði Neville.

„Þetta var svona „einu sinni á ævinni“ móment,“ sagði Neville og hélt því fram að þetta væri ein af stærstu stundunum á síðustu tuttugu árum í ensku úrvalsdeildinni vegna þess hver skoraði sigurmarkið og hvað það þýddi.