Stuðningsmenn Cardiff ósáttir við Aron Einar

Landsliðsfyrirliðinnn Aron Einar Gunnarsson er kominn aftur í lið Cardiff City eftir langa fjarveru vegna meiðsla. Endurkoman hefur þó ekki staðið undir væntingum og er kallað eftir því að Aron verði settur á bekkinn.

Jamie Kemble hjá Inside Wales Sport skrifaði grein þar sem hann fer yfir það hvort Cardiff hafi í raun saknað Arons og tölfræðin er ekki með Akureyringnum í liði.

Hann hefur byrjað þrjá leiki síðan hann snéri til baka, jafntefli við Sheffield United og tvö töp gegn Wolves og Aston Villa.

Áður en kom að tapinu gegn Wolves hafði Cardiff ekki tapað í 13 leikjum. Það eru 1170 mínútur. Af þeim spilaði Aron um 120 mínútur. Í sigurgöngu sem náði 8 leiki í röð spilaði Aron 33 mínútur.

Kemble segir þó að Aroni til varnar hafi þessir þrír leikir verið mjög erfiðir, en hann hafi ekki litið vel út.

Margir stuðningsmenn Cardiff eru á sama máli og Kemble og eru ósáttir við íslenska landsliðsfyrirliðann.

Gunnarsson should be nowhere near starting.

— James McCarthy (@JamFrank74) April 10, 2018

 

Another bitter blow for Cardiff City. Thought Gunnarsson was second to everything and Junior Hoilett was non-existent. Felt Warnock should have changed things earlier. It's going to be nervy for the Bluebirds now.

— Jamie Kemble (@JamieKemble) April 10, 2018

Somehow I feel like when Aron Gunnarsson plays from start, Cardiff have been struggling. Why Neil took a risk like to put someone who’s back from injury to starting 11 where had been on great form.

— Masa Hirano (@footballcoachjp) April 10, 2018

Cardiff á fimm leiki eftir í 1. deildinni og er í harðri baráttu um að komast upp í ensku úrvalsdeildina. Liðið er eins og er í umspilssæti, fjórtán stigum frá 7. sætinu og einu stigi frá öðru sæti sem gefur beina leið upp í úrvalsdeildina.

Í könnun Kemble vilja 80 prósent stuðningsmanna Cardiff sjá Aron á bekknum í næsta leik gegn Norwich á laugardaginn.