Skoðanakannanir í Brasilíu benda til þess að Luiz Inacio Lula da Silva, fyrrverandi forseti landsins, hafi aukið forskot sitt á mótherja sína fyrir forsetakosningar sem fara fram í október. Lula situr nú í fangelsi sakaður um spillingu í embætti.
Búist er við því að kjörstjórn Brasilíu banni Lula að bjóða sig fram vegna dóms sem hann hlaut fyrir spillingu í janúar. Lula var forseti Brasilíu frá 2003 til 2011. Hann var sakfelldur fyrir að hafa þegið mútur frá verktakafyrirtæki þegar hann sat í embætti. Á móti hafi verktakafyrirtækið fengið ábatasama samninga við ríkisolíufyrirtækið Petrobras.
Reuters-fréttastofan segir að þrátt fyrir það hafi Lula aukið forskot sitt í skoðanakönnunum um næstum því fimm prósentustig. Samkvæmt þeim stæði hann uppi sem sigurvegari forsetakosninganna fengi hann að bjóða sig fram.
Lula mælist nú með 37,3% fylgi. Jair Bolsonaro, leiðtogi hægrimanna, kemst næst Lula með 18,3%.
Lula með forystu í könnunum þrátt fyrir spillingardóm
Tengd skjöl
Tengdar fréttir
Spillingardómur yfir fyrrverandi forseta Brasilíu staðfestur
Luiz Ignacio Lula da Silva getur enn áfrýjað en vonir hans um að bjóða sig fram til forseta í haust gæti verið á enda.
Fanginn Lula forsetaframbjóðandi brasilíska Verkamannaflokksins
Luis Inacio Lula da Silva, fyrrverandi forseti Brasilíu, afplánar nú fangelsisdóm sem hann hlaut vegna mútuþægni.
Fyrrverandi forseti Brasilíu þarf að hefja afplánun
Luiz Inácio Lula da Silva var dæmdur í tólf ára fangelsi fyrir spillingu en hafði áfrýjað dómnum. Hann fær ekki að ganga laus á meðan.
Fyrrum forseti Brasilíu ætlar að gefa sig fram
Luis Inácio Lula da Silva, fyrrum forseti Brasilíu, hefur sagst ætla gefa sig fram til yfirvalda þar í landi eftir að hafa hlotið 12 ára dóm fyrir spillingu og mútuþægni.
Lula gaf sig fram við lögreglu
Fyrrum forseti Brasilíu hefur afplánun 12 ára fangelsisdóms fyrir spillingu og mútuþægni.
