Fred: Verðum að vinna Tottenham ef við ætlum að vinna deildina

Brasilíski miðjumaðurinn Fred, leikmaður Manchester United, segir að hann og hans menn verði að vinna Tottenham á mánudagskvöldið ef þeir ætli að sýna og sanna að United geti unnið ensku úrvalsdeildina.

United tapaði óvænt fyrir Brighton, 3-2, um síðustu helgi og hefur fengið mikla gagnrýni alla vikuna úr öllum áttum. Liðið er með þrjú stig á sama tíma og City, Liverpool, Tottenham og Chelsea eru öll með fullt hús stiga.

„Þetta er mjög mikilvægur leikur,“ segir Fred í viðtali við Sky Sports en liðin mætast á Old Trafford á mánudagskvöldið.

„Við erum búnir að leggja hart að okkur í vikunni og einbeita okkur að þessum leik. Við viljum vinna fyrir okkar stuðningsmenn. Við vitum að Tottenham er frábært lið en við verðum að vinna ef við ætlum að vinna deildina,“ segir Fred.

Brassinn viðurkennir að United var einfaldlega slakara liðið um síðustu helgi þegar að að tapaði fyrir Brighton.

„Enska úrvalsdeildin er frábær. Það eru mörg góð lið í henni og Brighton var betra en Man. United. Það náði inn mörkum snemma sem við gerðum ekki og við náðum aldrei að jafna okkur á því,“ segir Fred.