Stjórinn sem sótti Viktor og seldi Orra rekinn úr starfi

Smith-Nielsen vann fyrir FCK í rúmlega sautján ár. Áður en hann tók við starfi íþróttastjóra í júlí 2024 var hann yfirmaður leikmannakaupa fyrir yngri flokkanna.

Eitt af því síðasta sem hann gerði sem yfirmaður yngri flokka var að kaupa Viktor Bjarka Daðason til félagsins frá Fram, í janúar 2024. 

Eitt af því fyrsta sem hann gerði síðan sem íþróttastjóri var að selja Orra Stein Óskarsson til Real Sociedad, í ágúst 2024.

Orri Steinn var seldur fyrir tuttugu milljónir evra, sem var metsala fyrir FCK.

Viktor Bjarki hefur blómstrað fyrir félagið á tímabilinu og jafnvel er búist við því að hann slái félagaskiptametið ef hann verður seldur í sumar.

FCK er ríkjandi meistari en situr í 7. sæti dönsku deildarinnar og er í hættu á að missa af sæti í efri hlutanum ef liðið vinnur ekki Randers á sunnudaginn, í síðustu umferðinni fyrir tvískiptingu.

„Mín fyrsta hugsun er að þetta þurfti að gerast. Miðað við það sem hefur verið í gangi hjá FCK hefði verið mjög furðulegt að sjá ekki breytingar á skrifstofunni. Það er gríðarleg pressa á FC Kaupmannahöfn, þannig að það var í rauninni nauðsynlegt að færa einhvers konar fórn“ sagði sparkspekingur danska ríkisútvarpsins, Andreas Kraul.