Melania Trump, forsetafrú Bandaríkjanna, hefur samkvæmt frétt Reuters snúið aftur í Hvíta húsið.

Forsetafrúin hefur undanfarna viku dvalið á Walter Reed sjúkrahúsinu í Washington. Þar fór hún í vel heppnaða aðgerð vegna nýrnavandamáls. Aðgerðin fór fram á mánudag og hefur hún legið inni til hvíldar síðan.

Talskona forsetafrúarinnar, Stephanie Grisham, segir að líðan hennar sé góð og þakkar öllum þeim sem óskuðu forsetafrúnni vel.